(VOVWORLD) - ວັນທີ 4 ພຶດສະພາ, ທ່ານນາງປະທານຄະນະກຳມະການເອີລົບ (EC) Ursula von der Leyen ໄດ້ປະກາດຂໍ້ສະເໜີບ້ວງລົງໂທດໃໝ່ ແນໃສ່ລັດເຊຍ, ໃນນັ້ນ, ໜ້າເອົາໃຈໃສ່ແມ່ນບັນດາມາດຕະການລົງໂທດ ໃນຂົງເຂດນ້ຳມັນບໍ່ຂອງລັດເຊຍ. ນີ້ແມ່ນບ້ວງລົງໂທດທີ 6 ຊື່ງ ອີຢູ ໄດ້ຈັດວາງໃສ່ລັດເຊຍ ນັບແຕ່ປະເທດນີ້ ໄດ້ດຳເນີນບັ້ນຮົບການທະຫານພິເສດຢູ່ ຢູແກຼນ. ກ່ອນໜ້ານັ້ນ, ບັນດາປະເທດອີຢູ ໄດ້ຈັດການປະຊຸມ ແນໃສ່ແກ້ໄຂບັນດາຄວາມຫຍຸ້ງຍາກຂອງກຸ່ມ ກ່ຽວກັບດ້ານພະລັງງານ. ແຕ່ເຖິງແນວນັ້ນກໍ່ຕາມ, ອີຢູ ພວມຕ້ອງປະເຊີນໜ້າກັບຄວາມຫຍຸ້ງຍາກໃນສະເພາະໜ້າ ກໍ່ຄືໃນໄລຍະຍາວ.