ຫວ່າງ​ແລ້ວນີ້, ໝາກ​ຜົນ​ສຸດ​ທ້າຍ​ຂອງການ​ເລືອກ​ຕັ້ງ ສະ​ມາ​ຊິກ​ສະ​ພາ​ແຫ່ງ​ຊາດຊຸດ​ທີ 14 ແລະ ​ສະ​ມາ​ຊິກສະ​ພາ​ປະ​ຊາ​ຊົນ​ຂັ້ນ​ຕ່າງໆ​ອາ​ຍຸ​ການ 2016-2021 ຫາ​ກໍ​ຖືກ​ປະ​ກາດ​ໃຫ້​ຜູ້​ມີ​ສິດ​ເລືອກ​ຕັ້ງ​ທົ່ວ​ປະ​ເທດ ແລະ ເພື່ອນ​ມິດ​ສາ​ກົນ​ຮັບ​ຊາບ​ຢ່າງ​ທົ່ວ​ເຖິງ​ໃນ​ຕອນ​ບ່າຍ​ວັນ​ທີ 9/6. ປະ​ຊາ​ທິ​ປະ​ໄຕ, ລະ​ບຽບ​ວິ​ໄນ, ຖືກ​ຕ້ອງ​ຕາມ​ກົດ​ໝາຍແມ່ນ​ການ​ຕີ​ລາ​ຄາ​ກ່ຽວ​ກັບ​ຜົນ​ຂອງ​ການ​ເລືອກ​ຕັ້ງ​ຄັ້ງ​ນີ້.   ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ, ປະ​ທານ​ສະ​ພາ​ເລືອກ​ຕັ້ງ​ແຫ່ງ​ຊາດ ຫງວຽ​ນ​ທິ​ກິມ​ເງີນ ​ປະ​ຕິ​ບັດ​ສິດ ແລະ ພັນ​ທະ​ພົນ​ລະ​ເມືອງ​ຂອງ​ຕົນ       ກ່ອ​ນ​ທີ່ຈະ​ດຳ​ເນີນ​ການ​ປະ​ຊຸມ​ຂ່າວ​ກ່ຽວ​ກັບ​ຜົນ​ຂອງ​ການ​ເລືອກ​ຕັ້ງ​​ນີ້, ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ, ປະ​ທານ​ສະ​ພາ​ເລືອກ​ຕັ້ງ​ແຫ່ງ​ຊາດ ຫງວຽ​ນ​ທິ​ກິມ​ເງີນ ໄດ້​ຢື​ນ​ຢັນ​ໃນ​ວາ​ລະ​ປະ​ຊຸມ​ຄັ້ງ​ທີ 6 ຂອງ ສະ​ພາ​ເລືອກ​ຕັ້ງ​ແຫ່ງ​ຊາດເມື່ອ​ວັນ​ທີ 8/6 ວ່າ ການ​ເລືອກ​ຕັ້ງ ສະ​ມາ​ຊິກ​ສະ​ພາ​ແຫ່ງ​ຊາດຊຸດ​ທີ 14 ແລະ ​ສະ​ມາ​ຊິກສະ​ພາ​ປະ​ຊາ​ຊົນ​ຂັ້ນ​ຕ່າງໆ​ອາ​ຍຸ​ການ 2016-2021 ໄດ້​ບັນ​ລຸ​ໝາກ​ຜົນ​ອັນ​ຈົບ​ງາມ​ໃນ​ທຸກ​ດ້ານ.