(VOVWORLD) - “ຄາດວ່າຈະມີຜູ້ແທນເຂົ້າຮ່ວມກວ່າ 2.000 ທ່ານ ແລະ ມີນັກຂ່າວທັງຢູ່ພາຍໃນ ແລະ ຕ່າງປະເທດມາເອົາຂ່າວ ປະມານ 1.000 ທ່ານ; ຄາດວ່າ ມີເອກະສານປະມານ 80 ສະບັບ ຈະໄດ້ຮັບການຮັບຮອງເອົາໃນໂອກາດນີ້” - ນີ້ແມ່ນຄຳຢັ້ງຢືນຂອງ ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ. ລາວ ປະຈຳ ສສ. ຫວຽດນາມ ເມື່ອຕອບສຳພາດຕໍ່ສື່ມວນຊົນກ່ຽວກັບກອງປະຊຸມສຸດຍອດ ອາຊຽນ ຄັ້ງທີ 44, 45 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ເຊິ່ງໄດ້ດຳເນີນຢູ່ນະຄອນຫຼວງ ວຽງຈັນ, ລາວ ແຕ່ວັນທີ 8 – 11 ຕຸລາ.