ກ່າວຄຳເຫັນທີ່ກອງປະຊຸມສະມັດຊາໃຫຍ່ ສປຊ ໃນວັນທີ 21 ມັງກອນ, ທ່ານເລຂາທິການໃຫຍ່ ສປຊ Antonio Guterres ໄດ້ສະແດງຄວາມວິຕົກກັງວົນວ່າ ສະພາບການທົ່ວໂລກໃນປັດຈຸບັນພວມວຸ້ນວາຍ ແລະ ຍາກທີ່ຈະຄາດຄະເນລ່ວງໜ້າໄດ້ ເມື່ອທຽບໃສ່ໄລຍະສົງຄົມເຢັນ. ແລະ ໃນຕົວຈິງ, ມີສັນຍານຫຼາຍຢ່າງຊີ້ໃຫ້ເຫັນວ່າ ການແກ້ງແຍ້ງພູມີຍຸດທະສາດລະຫວ່າງບັນດາປະເທດມະຫາອຳນາດພວມເພີ່ມຂຶ້ນໃນປີ 2022. ໃນຂະນະນັ້ນ, ມີບັນຫາຮ້ອນເຮັ່ງຫຼາຍຢ່າງຫາກໍເກີດຂຶ້ນ ຫຼື ສືບຕໍ່ມີການຜັນແປຢ່າງສັບສົນຢູ່ເກືອບທຸກພາກພື້ນ, ອັນໄດ້ກໍ່ໃຫ້ເກີດສິ່ງທ້າທາຍຕື່ມອີກແກ່ຄວາມມານະພະຍາຍາມຊຸກຍູ້ການສ້າງສັນຕິພາບ ແລະ ວັດທະນາຖາວອນໃນໂລກ.