ສ້າງພະລັງແຮງໃໝ່ເພື່ອສຳເລັດຈຸດໝາຍ ສ້າງສາ ແລະ ປົກປັກຮັກສາປະເທດຊາດຢ່າງມີໄຊ
13/01/2015 10:57
ຕອນບ່າຍວັນທີ 12/1, ຢູ່ຮ່າໂນ້ຍ, ກອງປະຊຸມຄັ້ງທີ 10 ຄະນະບໍລິຫານງານສູນກາງພັກກອມມູນິດຫວຽດນາມຊຸດທີ່ 11 ໄດ້ອັດລົງແລ້ວ, ພາຍຫຼັງດຳເນີນມາເປັນເວລາ 8 ວັນ
ດັ່ງທີ່ໄດ້ໃຫ້ຂ່າວໄປແລ້ວ, ຕອນບ່າຍວັນທີ 12/1, ຢູ່ຮ່າໂນ້ຍ, ກອງປະຊຸມຄັ້ງທີ 10 ຄະນະບໍລິຫານງານສູນກາງພັກກອມມູນິດຫວຽດນາມຊຸດທີ່ 11 ໄດ້ອັດລົງແລ້ວ, ພາຍຫຼັງດຳເນີນມາເປັນເວລາ 8 ວັນ. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ້ຈ້ອງ ໄດ້ມີບົດກ່າວປາໄສທີ່ສຳຄັນ ຊຶ່ງໄດ້ເນັ້ນໜັກເຖິງບັນດາບັນຫາໂດຍສັງເຂບກ່ຽວກັບເນື້ອໃນຂອງກອງປະຊຸມ. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ້ຈ້ອງ ກ່າວຄຳເຫັນທີ່ວາລະອັດກອງປະຊຸມຄັ້ງທີ 10 ຄະນະບໍລິຫານງານສູນກາງພັກກອມມູນິດຫວຽດນາມຊຸດທີ່ 11 ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ້ຈ້ອງ ຢືນຢັນວ່າ ບັນດາກຳມະການສູນກາງພັກທີ່ເຂົ້າຮ່ວມກອງປະຊຸມ ໄດ້ສະແດງໃຫ່ເຫັນຈິດໃຈຮັບຜິດຊອບຊອບສູງ, ປຶກສາຫາລືຢ່າງປະຊາທິປະໄຕ, ກົງໄປກົງມາ, ປະກອບຄຳຄິດຄຳເຫັນດ້ວຍການສຸມສະຕິປັນຍາເຂົ້າໃນບັນດາບົດລາຍງານ, ແຜນຮ່າງ ແລະ ເຮັດສຳເລັດຫຼາຍວຽກງານອື່ນທີ່ສຳຄັນ. ກົມການເມືອງໄດ້ຮັບເອົາຄຳເຫັນປະກອບສ່ວນ ແລະ ອະພິປາຍບັນດາບັນຫາທີ່ຍັງມີຄຳເຫັນແຕກຕ່າງກັນ; ຄະນະບໍລິຫານງານສູນກາງພັກກອມມູນິດຫວຽດນາມໄດ້ເຫັນດີຢ່າງສູງຮັບຮອງເອົາມະຕິຂອງກອງປະຊຸມ.
TAG
vov/vovworld/ພັກກອມມູນິດ ຫວຽດນາມ
Related
More
