(VOVWORLD) - ວັນທີ 28 ພະຈິກ, ພະມະຫາກະສັດ ກຳປູເຈຍ ເລີ່ມຕົ້ນການຢ້ຽມຢາມທາງລັດຖະກິດ ຢູ່ ຫວຽດນາມໃນລະຫວ່າງວັນທີ 28 – 29 ພະຈິກ ຕາມຄຳເຊື້ອເຊີນຂອງທ່ານປະທານປະເທດ ສສ. ຫວຽດນາມ ເລືອງເກືອງ. ການຢ້ຽມຢາມໄດ້ດຳເນີນພາຍຫຼັງ ເວລາອັນສັ້ນໆ, ເມື່ອທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ມີການຢ້ຽມຢາມກຳປູເຈຍຢ່າງເປັນທາງການ ແລະ ເຂົ້າຮ່ວມກອງປະຊຸມຄົບຄະນະຄັ້ງທີ 12 ຂອງ ກອງປະຊຸມສາກົນ ບັນດາພັກການເມືອງ ອາຊີ ແລະ ກອງປະຊຸມຄົບຄະນະຄັ້ງທີ 11 ຂອງລັດຖະສະພາສາກົນ “ເພື່ອຄວາມອົບອ້ອມອາລີ ແລະ ສັນຕິພາບ”. ການຢ້ຽມຢາມສະແດງໃຫ້ເຫັນນ້ຳໃຈມິດຕະພາບ, ຄວາມໄວ້ເນື້ອເຊື່ອໃຈ, ການຖືເປັນສຳຄັນຂອງພະມະຫາກະສັດ ໃຫ້ແກ່ຫວຽດນາມ.