(VOVWORLD) - ກ່າວຄຳເຫັນໄຂກອງປະຊຸມຄັ້ງທີ 10 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII, ຢູ່ຮ່າໂນ້ຍ, ຕອນເຊົ້າວັນທີ 18 ກັນຍາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ໄດ້ເນັ້ນໜັກເຖິງ 2 ກຸ່ມບັນຫາຍຸດທະສາດ ຢູ່ກອງປະຊຸມ. ນັ້ນແມ່ນບັນດາວຽກງານເພື່ອເພີ່ມຄວາມໄວໃນການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ ຢ່າງມີໄຊ ແລະ ວຽກງານກະກຽມໃຫ້ແກ່ກອງປະຊຸມໃຫຍ່ຄັ້ງທີ XIV ຂອງພັກໃຫ້ສຳເລັດ. ຕາມທ່ານເລຂາທິການໃຫຍ່, ປະທານປະເທດແລ້ວ, ກອງປະຊຸມຕ້ອງຕີລາຄາສະຫຼຸບບັນດາເນື້ອໃນສຳຄັນກ່ຽວກັບທັດສະນະ, ແນວຄິດຊີ້ນຳການນຳພາ, ບັນດາແຜນນະໂຍບາຍນະໂຍບາຍປ່ຽນແປງໃໝ່ທີ່ມີລັກສະນະບຸກທະລຸ, ມີຄວາມເປັນໄປໄດ້ສູງ.