(vovworld) - ຕອນ​ເຊົ້າ​ວັນ​ທີ 19/10, ລະບົບ​ກະຈາຍສຽງ​ພາກ​ພາສາ​ຕ່າງປະ​ເທດ (VOV5) ປຸກລະດົມ​ການ​ບໍລິຈາກ​ເງິນ​ສະໜັບສະໜູນປະຊາຊົນ​ຖືກ​ຮັບ​ຜົນ​ສະທ້ອນ​ຈາກ​ໄພ​ທຳ​ມະ​ຊາດ, ນຳ້​ແກ່ງ​ຢູ່​ບັນດາ​ແຂວງ​ທາງ​ພາກ​ກາງ. ພະນັກງານ, ນັກ​ຂ່າວ, ບັນນາທິການ, ຜູ້​ຮ່ວມ​ງານ ​ແລະ ນັກ​ຊ່ຽວຊານ​ທີ່​ເຮັດ​ວຽກ​ຢູ່ VOV5 ບໍລິຈາກ​ເງິນ​ໄດ້ 20 ລ້ານ​ດົ່ງ. ທ່ານ ຫງວຽນ​ຕ໋ຽນລອງ, ຜູ້ອຳນວຍການ VOV5 ​ໃຫ້​ຮູ້​ວ່າ, ນີ້​ແມ່ນ​ການ​ບໍລິຈາກ​ເງິນ​ຄັ້ງ​ທຳ​ອິດ​ເພື່ອ​ຕອບ​ສະໜອງ​ກອງ​ທຶນ “​ເພື່ອ​ພາກ​ກາງ​ທີ່​ຮັກ​ແພງ“ ​ໂດຍ​ວິທະຍຸ​ກະຈາຍສຽງ ຫວຽດນາມ ປຸກລະດົມ​ໃນ​ວັນ​ທີ 18/10, ​ເພື່ອ​ແນ​ໃສ່​ຊ່ວຍ​ປະຊາຊົນ​ທີ່​ພວມ​ປະສົບ​ກັບ​ຄວາມ​ຫຍຸ້ງຍາກ​ແກ້​ໄຂ​ຜົນ​ຮ້າຍ​ຢ້ອນ​ຫຼັງ​ຈາກ​ໄພ​ທຳ​ມະ​ຊາດ. ນອກຈາກ​ໃຫ້​ຂ່າວ​ກ່ຽວ​ກັບ​ສະພາບ​ຄວາມ​ເສຍ​ຫາຍ​ໂດຍ​ພາຍຸ​ນ້ຳ​ແກ່​ງກໍ່​ຂຶ້ນ​ທາງ​ວິທະຍຸ​ກະຈາຍສຽງ ​ແລະ ​ເວັບ​ໄຊ vovworld.vn ​ແລ້ວ, VOV5 ຍັງ​ເປີດ​ບັນຊີ​ເພື່ອ​ໃຫ້​ເພື່ອນ​ມິດສາ​ກົນ, ຊາວ ຫວຽດນາມ ​ອາ​ໄສ​ຢູ່​ຕ່າງປະ​ເທດ, ບັນດາ​ອົງການ, ຫົວໜ່ວຍ ​ແລະ ປະຊາຊົນ​ໃນ​ທົ່ວ​ປະ​ເທດ… ສາມາດ​ບໍລິຈາກ​ເງິນ​ສະໜັບສະໜູນ​ໃຫ້​ປະຊາຊົນ​ພາກກາງອີກ.