(VOVWORLD) - ដោយមានគោលដៅកសាងរដ្ឋធានីកាន់តែស៊ីវិល័យនិងទំនើប លើកកំពស់ជីវភាពខាងសម្ភារៈនិងស្មារតីរបស់ប្រជាជនដោយឥតឈប់ឈរនោះ  ក្នុងរយៈពេលកន្លងមក គណៈកម្មាធិការបក្សទីក្រុងហាណូយបានអនុវត្តន៍យ៉ាងខ្លាំងក្លានូវកម្មវិធីសំខាន់ៗ ដូចជា កម្មវិធីលេខ ០២ ស្តីពីការកសាងជនបទថ្មី កម្មវិធីលេខ ០៦ ស្តីពីការការអភិវឌ្ឍប្រកបដោយសមកាលកម្ម ការធ្វើទំនើបកម្មហេដ្ឋារចនាសម្ព័ន្ធទីក្រុងជាបណ្តើរៗ...។ ហើយប្រសិទ្ធភាពមកពីបណ្តាកម្មវិធីនេះ បានជួយឱ្យ មុខមាត់របស់រដ្ឋធានីមានការផ្លាស់ប្តូរពីមួយថ្ងៃទៅមួយថ្ងៃ។

(VOVWORLD) -  ជំងឺរាតត្បាតកូវីដ-១៩ និងអនុវត្តវិធានការរក្សាគម្លាតសង្គមធ្វើឱ្យប្រជាជនជាច្រើននៅទីក្រុងហាណូយជួបការលំបាកយ៉ាងខ្លាំង។  ដើម្បីធានាបាននូវជីវភាពរស់នៅប្រកបដោយស្ថិរភាពសម្រាប់ប្រជាជនបន្ទាប់ពីជំងឺរាតត្បាត អាជ្ញាធរក្រុងគ្រប់លំដាប់ថ្នាក់ កំពុងអនុវត្តន៍ជាបណ្តើរៗនូវការជួយឧបត្ថម្ភជាក់ស្តែងសម្រាប់ប្រជាជន។

(VOVWORLD) -  វិស័យទេសចរណ៍របស់ទីក្រុងហាណូយ កំពុងត្រៀមផែនការស្តារឡើងវិញភ្លាមៗ នៅពេលដែលជំងឺរាតត្បាតកូវីដ-១៩ ស្ថិតក្រោមការគ្រប់គ្រង។ មន្ទីរទេសចរណ៍រដ្ឋធានីកសាងនិងគ្រប់គ្រងបរិយាកាសទេសចរណ៍ប្រកបដោយសុវត្ថិភាព និងមិត្តភាព ដើម្បីធ្វើឲ្យទីក្រុងហាណូយក្លាយជាគោលដៅគួរឲ្យទាក់ទាញសម្រាប់ភ្ញៀវទេសចរ។

(VOVWORLD) - ក្នុងប៉ុន្មានថ្ងៃនេះ កុមារវៀតណាមបានអំណរពិធីបុណ្យថ្វាយព្រះច័ន្ទសំពះព្រះខែ (បុណ្យសែនលោកខែ) ក្នុងបរិបទពិសេសមួយ ដោយសារតែជំងឺកូវីដ ១៩ នៅតែឆ្លងរាលដាលយ៉ាងស្មុគស្មាញ។  ហេតុដូច្នេះ ប្អូនៗកុមារមិនត្រូវបានអនុញ្ញាតឱ្យរៀបចំពិធីជប់លៀង ពិធីដង្ហែចង្កៀងគោម ពិធីរាំច្រៀងសប្បាយរីករាយទេ។   ផ្ទុយទៅវិញ តំបន់ សហគមន៍និងគ្រួសារនីមួយៗ បានរៀបចំ ឱ្យប្អូនៗកុមារប្រារព្ធពិធីអំណរបុណ្យថ្វាយព្រះច័ន្ទសំពះព្រះខែ តាមទម្រង់សមស្របនិងធានាឱ្យបាននូវបទប្បញ្ញត្តិ ស្តីពីការបង្ការនិងប្រយុទ្ធប្រឆាំងជំងឺរាតត្បាតផងដែរ។

(VOVWORLD) - ដើម្បីថែទាំទារកដែលមានអ្នកម្តាយជាអកុសលឆ្លងជំងឺកូវីដ ១៩ ទីក្រុងហូជីមិញបានបង្កើតមជ្ឈមណ្ឌលឈ្មោះ HOPE ដែលមានន័យថាក្តីសង្ឃឹម។ សាលាមត្តេយ្យ Hoa Mi 2 នៅខ័ណ្ឌទី ៥ នៃទីក្រុងហូជីមិញជាទីតាំងជាបណ្តោះអាសន្នរបស់មជ្ឈមណ្ឌល HOPE។

(VOVWORLD) - នៅប្រទេសវៀតណាមនាពេលកន្លងមក បណ្តាញសង្គមដែលមានប្រជាប្រិយភាពដូចជាហ្វេសប៊ុកនិងហ្សាឡូមានការអភិវឌ្ឍយ៉ាងខ្លាំង ហើយបានក្លាយជាតម្រូវការចាំបាច់របស់ប្រជាជនមួយភាគធំ។ ជាពិសេស នៅក្នុងរយៈពេលបច្ចុប្បន្ន ស្ថានការណ៍នៃការរីករាលដាលនៃជំងឺកូវីដ ១៩ មានការវិវត្តយ៉ាងស្មុគស្មាញជាច្រើន រួមជាមួយសារព័ត៌មានប្រពៃណី បណ្តាញសង្គមគឺជាឧបករណ៍សម្រាប់ប្រជាជនក្នុងការធ្វើបច្ចុប្បន្នភាព តាមដាននិងសិក្សាស្វែងយល់ពីចំណេះដឹងនៃការបង្ការនិងប្រយុទ្ធប្រឆាំងជំងឺកូវីដ-១៩ ប្រកបមានប្រសិទ្ធភាព។

(VOVWORLD) -  គ្រូពេទ្យនិងបុគ្គលិកសុខាភិបាលចូលនិវត្តន៍ជាង ៥០ នាក់ នៅសង្កាត់ Hong Ha ទីក្រុង Ha Long ខេត្ត Quang Ninh  បានដាក់ពាក្យស្ម័គ្រចិត្តចូលរួមជាមួយក្រុមសុខាភិបាល សហគមន៍។ ដោយមានទំនួលខុសត្រូវប្រកបដោយវិជ្ជាជីវៈនិងស្មារតីនៃការជួយទំនុកបំរុងជួយគ្នានាគ្រាលំបាក អ្នកទាំងនេះសុទ្ធតែចង់បន្តនាំយកចំណេះដឹងផ្នែកវេជ្ជសាស្ត្រដើម្បីបម្រើដល់ការត្រួតពិនិត្យ បង្ការនិងទប់ស្កាត់ការរីករាលដាលនៃជំងឺកូវីដ ១៩។

(VOVWORLD) - ថ្វីត្បិតតែត្រូវពិការជើងតាំងពីកុមារភាពក៏ដោយ ក៏អ្នកស្រី H'Yar Kbuôr នៅស្រុក Krong Ana ខេត្ត Dak Lak តែងតែមានសុទិដ្ឋិនិយមហើយព្យាយាមជំនះពុះពារ។ ជាពិសេសអ្នកស្រី H'Yar Kbuôr បានខិតខំប្រឹងប្រែងចាប់ផ្តើមអាជីវកម្មដោយជោគជ័យជាមួយមុខ របរត្បាញចារបាប់និងដេរសម្លៀកបំពាក់ប្រពៃណី ហើយអ្នកស្រីបានក្លាយជាគំរូដ៏ត្រចះត្រចង់នៃការជំនះពុះពារលើការលំបាក ក្នុងមូលដ្ឋាន។

(VOVWORLD) - នាបច្ចុប្បន្ន នៅតាមមូលដ្ឋានទូទាំងប្រទេសបានបង្កើតក្រុមបង្ការនិងប្រយុទ្ធប្រឆាំងជំងឺកូវីដ-១៩ ក្នុងសហគមន៍នៅតាមលំនៅដ្ឋាន ក្រុមលំនៅឋាន ភូមិ ឃុំ... ។ ក្នុងរយៈពេលកន្លងមក គំរូនៃក្រុមបង្ការកូវីដ ១៩ ក្នុងសហគមន៍ នៅទីក្រុងហាណូយបានបង្ហាញពីតួនាទីដ៏មានប្រសិទ្ធភាពក្នុងការសម្របសម្រួលជាមួយកងកម្លាំងមុខងារដើម្បីចូលរួមក្នុងការបង្ការនិងទប់ស្កាត់ការរីករាលដាលនៃជំងឺកូវីដ-១៩។

(VOVWORLD) -  នៅក្នុងគ្រាមានការឆ្លងរាលដាលជំងឺរាតត្បាត កូវីដ-១៩ នេះ ប៉ុន្តែស្មារតីសហគ្រិនភាពរបស់សហគ្រាសវៀតណាមនៅ តែបានរក្សាជានិច្ច។ សហគ្រាសជាច្រើនដើម្បីការរស់រាននិងការអភិវឌ្ឍរបស់ខ្លួន បានខិតខំប្រឹងប្រែងទាញយកអត្ថប្រយោជន៍ ពីប្រភពធនធានទាំងអស់ ដោយផ្លាស់ប្តូរសកម្មភាពប្រកបដោយភាព បត់បែន។

(VOVWORLD) -  មន្ទីរព័ត៌មាននិងផ្សព្វផ្សាយខេត្ត Lang Son កំពុងដឹកនាំនិងសម្របសម្រួល ជាមួយអង្គភាពពាក់ព័ន្ធនានា ដើម្បីអនុវត្តន៍សាកល្បងការផ្លាស់ប្តូរឌីជីថលទាំងមូល និងទូលំទូលាយនៅច្រកព្រំដែន Huu Nghi និង Tan Thanh ដើម្បីដំណើរការដោយស្វ័យប្រវត្តិនិងកាត់បន្ថយពេលវេលារង់ចាំការឆ្លងដែន សម្រាប់សហគ្រាសដែលមានមធ្យោបាយឆ្លងដែន ក៏ដូចជាទំនិញនាំចេញនិងនាំចូលរវាងវៀតណាមនិងចិន។ នេះត្រូវបានចាត់ទុកថាជារបត់យុទ្ធសាស្ត្រឆ្ពោះទៅរកការកសាងនិងបំពេញផែនទីនាំចេញ នាំចូលទូទាំងប្រទេស។

(VOVWORLD) -  យោងតាមស្ថិតិ បច្ចុប្បន្នមានសហគ្រាសរបស់អាណិកជនវៀតណាមនៅបរទេសប្រមាណ ៣៥០០ អង្គភាព កំពុងប្រតិបត្តិការនៅក្នុងប្រទេសនិងតំបន់ដែនដីជាច្រើន ជុំវិញពិភព លោក។ នេះជាប្រភពធនធានដ៏សំខាន់ដើម្បីជួយផ្សព្វផ្សាយនិងនាំទំនិញរបស់វៀតណាមជ្រៀតចូលប្រទេសសាមី។ បច្ចុប្បន្ន វៀតណាមបានចូលរួមកិច្ចព្រមព្រៀងពាណិជ្ជកម្មសេរីវៀតណាម- សហភាពអឺរ៉ុប (EVFTA) ហើយសហគ្រាសអាណិកជនវៀតណាមនៅឯបរទេសបាននិងកំពុងក្លាយជាស្ពាននាំទំនិញវៀតណាមទៅកាន់ទីផ្សារអឺរ៉ុបនិយាយរួមនិងប្រទេសជាសមាជិក EU និយាយដោយឡែក។