(VOVWORLD) - ជារៀងរាល់សរទរដូវមកដល់ម្តងៗ ក្នុងបរិយាកាសនៃបដិវត្តន៍ខែសីហា ឆ្នាំ ១៩៤៥ ប្រជាជន Viet Bac តែងតែមានមោទនភាព ដោយបានរំលឹកឡើងវិញនូវប្រពៃណីដ៏រុងរឿង។ ពីតំបន់ព្រៃភ្នំ Viet Bac នេះ ជំនឿជាក់ដ៏រឹងមាំ ឆន្ទៈដ៏អង់អាចក្លាហាន និងស្មារតីសាមគ្គីភាព បានរួមចំណែកបង្កើតជ័យជម្នះជាប្រវត្តិសាស្ត្ររបស់ប្រទេសជាតិ។ សរទរដូវ ខែសីហា មិនត្រឹមតែជាអនុស្សាវរីយ៍ដ៏រុងរឿងប៉ុណ្ណោះទេ ថែមទាំងជាកម្លាំងចលករសម្រាប់ជំនាន់បច្ចុប្បន្ន បន្តកសាងទឹកដី Viet Bac ឱ្យកាន់តែសម្បូរសប្បាយ និងស៊ីវិល័យជាង។

(VOVWORLD) - វិស័យកសិកម្មត្រូវបានខេត្ត Son La ចាត់ទុកជាវិស័យសេដ្ឋកិច្ចមុខព្រួញ  ព្រោះនៅទីនេះ មានសក្តានុពលនិងគុណសម្បត្តិជាច្រើនសម្រាប់ការអភិវឌ្ឍកសិកម្ម ជាពិសេសដើមឈើហូបផ្លែ។ នាពេលថ្មីៗនេះ ខេត្ត Son La បានផ្តោតការយកចិត្តទុកដាក់លើដំណោះស្រាយជាច្រើន ដើម្បីបន្តបង្កើតរបកគំហើញក្នុងការអភិវឌ្ឍកសិកម្ម តាមនោះ រួមចំណែកសម្រេចបាននូវគោលដៅកំណើនសេដ្ឋកិច្ច ៨% ឡើងទៅក្នុងឆ្នាំនេះ។

(VOVWORLD) - ខេត្ត Son La មានផ្ទៃដីដាំដំណាំកាហ្វេចំនួន ២៤.៣០០ ហិកតា ដោយមានទិន្នផលគ្រាប់កាហ្វេប្រមាណ ៣៧.៧២៤ តោន។ ប្រាក់ចំណូលជាមធ្យមរបស់កាហ្វេមានចាប់ពី ១៧០ លានដុង/ហិកតា ដល់ជាង ២០០ លានដុង/ហិកតា ជាមួយនឹងប្រាក់ចំណេញជាង ១៤០ លានដុង។ ក្នុងរយៈពេល ៦ ខែដើមឆ្នាំ ២០២៥ ខេត្ត Son La បាននាំចេញកាហ្វេចំនួន ១៧.៨០០ តោន សម្រេចបានជិត ៧០  លានដុល្លារអាមេរិក កើនឡើងជិត ៣០% បើធៀបនឹងរយៈពេលដូចគ្នាក្នុងឆ្នាំ ២០២៤។

(VOVWORLD) - ខេត្ត Son La គឺជាតំបន់ដាំដុះផ្លែឈើដ៏ធំបំផុតមួយនៅភាគខាងជើង ក៏ដូចជាទូទាំងប្រទេស ដោយមានទិន្នផលផ្លែឈើរាប់សែនតោនក្នុងមួយឆ្នាំៗ។ នាពេលថ្មីៗនេះ Son La បានម្ចាស់ការ តភ្ជាប់និងផ្សព្វផ្សាយម៉ាកយីហោរបស់ខ្លួន តាមនោះ ពង្រីកទីផ្សារប្រើប្រាស់ផលិតផលផ្លែឈើក្នុងស្រុកទៅកាន់ខេត្ត ក្រុងជាច្រើនលើទូទាំងប្រទេស និងបរទេស។

(VOVWORLD) - Con Dao ជាតំបន់ដីសម្បូរទៅដោយសក្តានុពលទេសចរណ៍ ជីវចម្រុះ និងជាគោលដៅគួឲ្យទាក់ទាញសម្រាប់ទេសចរណ៍ធម្មជាតិនិងរមណីយដ្ឋានលំដាប់ខ្ពស់។ ក្នុងបរិបទនៃការប្រែប្រួលអាកាសធាតុ និងសម្ពាធពីទេសចរណ៍ទ្រង់ទ្រាយធំ ការអភិវឌ្ឍន៍សេដ្ឋកិច្ចវិលជុំ គឺជាដំណោះស្រាយដ៏សំខាន់ ដើម្បីធានាការអភិវឌ្ឍប្រកបដោយចីរភាព ថែរក្សាសម្រស់ធម្មជាតិ និងបេតិកភណ្ឌរបស់ Con Dao។

(VOVWORLD) - ថ្ងៃទី ១ ខែកក្កដា ឆ្នាំ ២០២៥ បានគួសសញ្ញាសម្គាល់ជាប្រវត្តិសាស្ត្រ នៅពេលដែលខេត្ត Ninh Thuan និង Khanh Hoa រួមបញ្ចូលគ្នាទៅជាខេត្ត Khanh Hoa ថ្មីជាផ្លូវការ។ ការរួមបញ្ចូលនៃខេត្តទាំងពីរនេះ បានបើកចេញបរិយាកាស អភិវឌ្ឍន៍ដ៏ធំធេង ជាមួយនឹងសក្តានុពលទេសចរណ៍ចម្រុះ សេដ្ឋកិច្ចពហុវិស័យ និងហេដ្ឋារចនាសម្ព័ន្ធទំនើប។ នេះជាការបោះជំហានដ៏សំខាន់មួយ ដើម្បីជំរុញការអភិវឌ្ឍយ៉ាងឆាប់រហ័ស ប្រកបដោយនិរន្តរភាព និងលើកកំពស់ឋានៈរបស់ខេត្តថ្មី ក្លាយជាប៉ូលកំណើននៅភូមិភាគកណ្តាល។

(VOVWORLD) - ឃុំ Phieng Khoai ខេត្ត Son La ត្រូវបានស្គាល់ដល់ជាតំបន់ដាំដុះផ្លែព្រូនដ៏ធំ ដែលមានផ្ទៃដីប្រហែល ២.៣០០ ហិកតា។ លើសពីនេះ ដើមឈើហូបផ្លែជាច្រើនប្រភេទសមស្របនឹងអាកាសធាតុនិងសណ្ឋានដីរបស់មូលដ្ឋាន ក៏ត្រូវបានដាំដុះនៅទីនេះផងដែរ។ ដោយសារលក្ខខណ្ឌអាកាសធាតុអំណោយផល ទន្ទឹមនឹងការជំរុញវឌ្ឍនភាពផ្នែកវិទ្យាសាស្ត្រនិងបច្ចេកទេស គុណភាពដើមឈើហូបផ្លែនៅទីនេះត្រូវបានលើកកម្ពស់ដោយឥតឈប់ឈរ ដើម្បីជួយបង្កើនប្រាក់ចំណូលសម្រាប់ប្រជាជន។

(VOVWORLD) - ខេត្ត Ninh Thuan (រួមបញ្ចូលគ្នាជាមួយខេត្ត Khanh Hoa) ត្រូវបានស្គាល់ដល់ជាទឹកដីដែលមានអាកាសធាតុពិបាក់ធ្ងន់ធ្ងរ ជាមួយនឹងកម្រិតវិទ្យុសកម្មពន្លឺព្រះអាទិត្យខ្ពស់បំផុតនិងល្បឿនខ្យល់លឿនបំផុតនៅក្នុងប្រទេស។ ទោះជាយ៉ាងណាក៏ដោយ នេះគឺជាលក្ខខណ្ឌអំណោយផល និងឱកាសដ៏ល្អសម្រាប់ខេត្តក្នុងការអភិវឌ្ឍថាមពលកកើតឡើងវិញ។ ខេត្ត Ninh Thuan បានកំណត់ឧស្សាហ៍កម្មថាមពលជារបកគំហើញ ដែលជាវិស័យសំខាន់ក្នុងការអភិវឌ្ឍសេដ្ឋកិច្ចរបស់ខេត្ត ហើយមានគោលដៅធ្វើឱ្យខេត្តក្លាយជាមជ្ឈមណ្ឌលថាមពលស្អាត និងថាមពលកកើតឡើងវិញរបស់វៀតណាម នាប៉ុន្មានឆ្នាំខាងមុខ។

(VOVWORLD) - ក្នុងបរិបទនៃការធ្វើសមាហរណកម្មសេដ្ឋកិច្ចអន្តរជាតិកាន់តែស៊ីជម្រៅ និងការប្រកួតប្រជែងកាន់តែកើនឡើង តម្រូវការកសាងនិងការពារម៉ាកយីហោមិនត្រឹមតែជាកត្តាសំខាន់ប៉ុណ្ណោះទេ ប៉ុន្តែក៏ជាតម្រូវការស្លាប់រស់សម្រាប់សហគ្រាស និងប្រទេសជាតិផងដែរ។ សហគ្រាសវៀតណាមត្រូវការម៉ាកយីហោខ្លាំង ដើម្បីប្រកួតប្រជែងនិងអភិវឌ្ឍន៍ ខណៈដែលប្រទេសជាតិត្រូវការម៉ាកយីហោជាតិដើម្បីបង្កើនឋានៈ និងទាក់ទាញការវិនិយោគ។

(VOVWORLD) - ដោយមានឆ្នេរសមុទ្រប្រវែងជាង ១០៥ គីឡូម៉ែត្រ ខេត្ត Ninh Thuan មានលក្ខខណៈគ្រប់គ្រាន់ និងសមត្ថភាពលេចធ្លោក្នុងការអភិវឌ្ឍន៍ទេសចរណ៍។ Ninh Thuan បាននិងកំពុងប្រើប្រាស់យ៉ាងពេញលេញនូវសក្តានុពលនិងគុណសម្បត្តិនៃសមុទ្រ ដើម្បីអភិវឌ្ឍន៍យ៉ាងខ្លាំងក្លានូវវិស័យទេសចរណ៍ជាមួយនឹងផលិតផលពិសេស មានលក្ខណៈប្រកួតប្រជែងខ្ពស់ ធ្វើឲ្យទេសចរណ៍ក្លាយជាវិស័យសេដ្ឋកិច្ចមុខព្រួញ។

(VOVWORLD) - សមត្ថភាពប្រកួតប្រជែងថ្នាក់ខេត្ត (PCI) ជាសន្ទស្សន៍ដែលវាស់វែង និងវាយតម្លៃគុណភាពជាក់ស្តែងនៃការគ្រប់គ្រងសេដ្ឋកិច្ចរបស់ខេត្ត ក្រុងនានានៅវៀតណាម ត្រូវបានអនុវត្តដោយសភាពាណិជ្ជកម្មនិងឧស្សាហកម្មវៀតណាម (VCCI) សម្របសម្រួលជាមួយទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) នៅប្រទេសវៀតណាមចាប់តាំងពីឆ្នាំ ២០០៥។ ក្រោយរយៈពេល ២០ឆ្នាំ សន្ទស្សន៍នេះបានបង្កើនតួនាទីនិងលក្ខខណ្ឌ ក្នុងបរិបទថ្មី ដោយមានគោលដៅកែលម្អបរិយាកាសអាជីវកម្ម និងជំរុញកំណើនសេដ្ឋកិច្ច។

(VOVWORLD) - ច្បាប់វិសោធនកម្មនិងបំពេញបន្ថែមមាត្រាមួយចំនួននៃច្បាប់ស្តីពីស្តង់ដារនិងបទប្បញ្ញត្តិបច្ចេកទេស គឺជាច្បាប់មួយក្នុងចំណោមច្បាប់ទាំង ៣៤ ដែលត្រូវបានពិចារណាអនុម័តក្នុងសម័យប្រជុំលើកទី៩ រដ្ឋសភា នីតិកាលទី១៥។ ច្បាប់វិសោធនកម្ម សំដៅបង្កើតបរិយាកាសផលិតកម្មនិងអាជិវកម្មប្រកបដោយតម្លាភាព ជំរុញការអភិវឌ្ឍទីផ្សារពាណិជ្ជកម្មនិងរួមចំណែកលើកកម្ពស់សមត្ថភាពប្រកួតប្រជែងរបស់សហគ្រាស និងខឿនសេដ្ឋកិច្ចផងដែរ។