នាយករដ្ឋមន្ត្រីសឹង្ហបុរី Lee Hsien Loong (VOV)         VOV-វៀតណាមនិងសឹង្ហបុរីបានបង្កើតទំនាក់ទំនងការទូតនាថ្ងៃទី១សីហា ​ឆ្នាំ១៩៧៣។ ក្រឡែកមើលលើកំណាត់ផ្លូវ៤០ឆ្នាំកន្លងមកអាចបានឃើញ​លទ្ធផលលេចធ្លោបំផុតក្នុងទំនាក់ទំនងនៃប្រទេសទាំងពីរគឺការអភិវឌ្ឍន៍នៃ ទំនាក់ទំនងនយោបាយដ៏មានទំនុកទុកចិត្តនិងលើគ្រប់វិស័យ។ ថ្នាក់ដឹកនាំនៃ ប្រទេសទាំងពីរ​ជានិច្ចកាលមានដំណើរទស្សនកិច្ចការងារទៅវិញទៅមក នា ពេលថ្មីៗនេះគឺដំណើរ​ទស្សនកិច្ចការងារនៅសឹង្ហបុរីរបស់អគ្គលេខាបក្ស កុម្មុយនីស្តវៀតណាមលោក Nguyen Phu Trong។ កិច្ចសហប្រិតបត្តិការអំពី សេដ្ឋកិច្ចរវាងវៀតណាមនិង​សឹង្ហបុរី​ក៏បានអភិវឌ្ឍន៍យ៉ាងខ្លាំងក្លា។ អនុរដ្ឋមន្ត្រីការបរទេសវៀតណាមលោក Pham Quang Vinh បានចាត់ទុកថា៖         “អាចនិយាយបានថា​ក្នុងអំឡុង៤០ឆ្នាំកន្លងមក ទំនាក់ទំនងសហប្រតិបត្តិ ការ​វៀតណាម-សឹង្ហបុរីបានអភិវឌ្ឍន៍យ៉ាងខ្លាំងក្លា។ សឹង្ហបុរីជាប្រទេសចាប់ផ្ដើម ឲ្យកិច្ច​សហប្រតិបត្តិការនិងជួយឧបត្ថម្ភវៀតណាមក្នុងកិច្ចការផ្លាស់ប្តូរថ្មី។ ​សឹង្ហបុរីជា​ដៃគូ​មួយក្នុងចំណោមដៃគូជួរមុខរបស់វៀតណាមក្នុងច្រើនឆ្នាំកន្លង មក។ គិតមក​ដល់ចុងឆ្នាំ២០១២កន្លងមក តំលៃប្រាក់ពាណិជ្ជកម្មទ្វេភាគីទទួល បាន៩ពាន់៦រយលាន​ដុល្លារ​អាមេរិក។ អំពីការវិនិយោគ ដល់ខែកក្កដាឆ្នាំ២០១៣ សឹង្ហបុរីបានមាន​គំរោងការ​វិនិយោគចំនួន១១០០គំរោងនៅវៀតណាមក្នុងតំលៃ ជាប្រាក់​ប្រមាណ​ជាង២៤ពាន់លានដុល្លារអាមេរិក។”         នាបច្ចុប្បន្ននេះ វៀតណាមនិងសឹង្ហបុរីបានចុះហត្ថលេខាលើកិច្ចព្រមព្រៀង​សហប្រតិបត្តិការជាង២០។ ជាពិសេស បណ្ដាមណ្ឌលឧស្សាហកម្មវៀតណាម- សឹង្ហបុរី (VSIP) ដែលបានចាត់ទុកជាគំរូក្នុងកិច្ចសហប្រតិបត្តិការសេដ្ឋកិច្ច​វៀត​ ណាម​-សឹង្ហបុរីកាន់តែបានបើកទូលាយពីមួយថ្ងៃទៅមួយថ្ងៃ។ ក្រៅពីនោះ ភាគី ទាំងពីរ​កំពុង​នៅជំរុញខ្លាំងកិច្ចសហប្រតិបត្តិការលើបណ្ដាវិស័យដែលសឹង្ហបុរី មានឧត្តមភាព​និងវៀតណាមមានតម្រូវការដូចជា អប់រំ វិទ្យាសាស្ត្របច្ចេកវិទ្យា ជាដើម។ រដ្ឋមន្ត្រី​ក្រសួងឧស្សាហ-ពាណិជ្ជកម្មសឹង្ហបុរី Lim Hong Kieng បាន អះអាងថា៖         “បណ្ដាអង្គភាពអាជីវកម្មសឹង្ហបុរីបានឃើញថា​វៀតណាមមានសក្ដានុភាព​ ដ៏​ធំធេងមិនត្រឹមតែក្នុងរយៈពេលខ្លីប៉ុណ្ណោះទេ ថែមទាំងក្នុងរយៈពេលវែងទៀត ផង។ ដូច្នេះ ក្រុមហ៊ុនជាច្រើនបានមករកវៀតណាមវិនិយោគនិងទទួលបាន លទ្ធផលដ៏​ល្អប្រសើរ។ ខ្ញុំជឿជាក់ថា កិច្ចសហប្រតិបត្តិការរវាងភាគីទាំងពីរកាន់ តែបានបើក​ទូលាយនិងមានបន្ថែមដៃគូរសាជីវកម្មត្រូវបានបង្កើតឡើងរវាង អង្គភាពអាជីវកម្មនៃ​ប្រទេសទាំងពីរ។”         មិនត្រឹមតែសហប្រតិបត្តិការទ្វេភាគីប៉ុណ្ណោះទេ វៀតណាមនិងសឹង្ហបុរីបាន ​សហការ​យ៉ាងជិតស្និទ្ធក្នុងក្របខ័ណ្ឌពហុភាគី។​ប្រទេសទាំងពីរក៏បានគាំទ្រ​យ៉ាង​ខ្លាំងក្លាគោលជំហរគោលការណ៍របស់អាស៊ានអំពីការធានាសន្តិភាពស្ថិរភាព​សន្តិសុខសុវត្ថិភាពនិងសេរីភាពខាងនាវាចរណ៍នៅសមុទ្រខាងកើត ដោះស្រាយ​ ជំលោះ​ដោយសន្តិវិធីលើមូលដ្ឋាននៃច្បាប់អន្តរជាតិនិងអនុសញ្ញាអង្គការ​ សហប្រជាជាតិ​ឆ្នាំ១៩៨២ គាំទ្រអនុវត្តយ៉ាងពេញលេញសេចក្តីថ្លែងការស្ដីពី​ការ​ប្រតិបត្តិរបស់ភាគីនានានៅសមុទ្រខាងកើត (DOC) និងកសាងក្រមប្រតិបត្តិ ដំបន់​នៅសមុទ្រខាងកើត (COC) ឆាប់រហ័ស។         នាខែកញ្ញាឆ្នាំ២០១១ ក្នុងដំណើរទស្សនកិច្ចការងារថ្នាក់រដ្ឋរបស់ប្រធានរដ្ឋ​ វៀតណាមលោក Truong Tan Sang នៅសឹង្ហបុរី ភាគីទាំងពីរបានឯកភាពជា​គោលការណ៍នាំទំនាក់ទំនងនៃប្រទេសទាំងពីរឡើងដៃគូយុទ្ធសាស្ត្រ។ និងក្នុង​ ដំណើរ​ទស្សនកិច្ចរបស់អគ្គលេខាបក្សកុម្មុយនីស្តវៀតណាមលោក Nguyen Phu Trong នាខែកញ្ញាឆ្នាំ២០១២ ភាគីទាំងពីរបានចេញសេចក្តីថ្លែងការរួមអះអាង លើក​កំរិតទំនាក់ទំនងឡើងដៃគូយុទ្ធសាស្ត្រក្នុងឆ្នាំនេះ។ ជាមួយដំណើរទស្សន កិច្ចជា​ផ្លូវការ​នៅវៀតណាមលើកនេះរបស់ នាយករដ្ឋមន្ត្រី Lee Hsien Loong ជា មួយ​រាល់​លទ្ធផលដែលទទួលបានក្នុងអំឡុង៤០ឆ្នាំកន្លងមក​ភាគីទាំងពីរកាន់ តែមានកំលាំង​ចលករដើម្បីជំរុញថែមទៀតទំនាក់ទំនង។ អនុរដ្ឋមន្ត្រីការបរទេស Pham Quang Vinh បានចាត់ទុកថា៖          “ទំនាក់ទំនងនយោបាយរវាងភាគីទាំងពីរដ៏មានទំនុកទុកចិត្តដូច្នេះទំនាក់ ទំនងនេះកាន់តែត្រូវបានរឹតបន្តឹងថែមទៀត។ រាល់ឧត្តមភាពក្នុងកិច្ចសហប្រតិបត្តិ ការ​រវាងប្រទេសទាំងពីរក្នុងរយៈពេលកន្លងមកពិសេសគឺក្នុងវិស័យសេដ្ឋកិច្ចត្រូវ បាន​ជំរុញ ទន្ទឹមនឹងនោះត្រូវបង្កើនថែមទៀតកិច្ចសហប្រតិបត្តិការនិងសហការ លើ​បណ្ដា​វេទិការដំបន់និងអន្តរជាតិ។”         ដំណើរទស្សនកិច្ចជាផ្លូវការនៅវៀតណាមរបស់នាយករដ្ឋមន្ត្រីសឹង្ហបុរី Lee Hsien Loong ចាប់ពីថ្ងៃទី១១ដល់ថ្ងៃទី១៣កញ្ញាអាចត្រូវបានចាត់ទុកជារបត់សំខាន់​ក្នុងឱកាសរំលឹកខួបលើកទី៤០នៃទិវាបង្កើតទំនាក់ទំនងរវាងប្រទេសទាំងពីរ​បង្កើត​ទិសដៅក្នុងទំនាក់ទំនងវៀតណាម-សឹង្ហបុរី​អំពីទ្វេភាគីនិងពហុភាគីនៅកំពស់ថ្មី៕