ធានាសុវត្ថិភាពអាយុជីវិតនិងសិទ្ធិប្រយោជន៍ស្របច្បាប់សំរាប់ពលរដ្ឋវៀតណាម         Vovworld-ក្នុងសន្និសីទកាសែតសាមញ្ញរបស់ក្រសួងការបរទេសនាថ្ងៃទី​៨តុលា នៅក្រុងហាណូយ អ្នកនាំពាក្យក្រសួងការបរទេសវៀតណាមលោក Le Hai Binh បាន ប្រកាសសកម្មភាពកិច្ចការបរទេសមួយចំនួនរបស់វៀតណាមនា​ពេលខាងមុខនិង ឆ្លើយសំនួររបស់អ្នកយកព័ត៌មានអំពីបញ្ហាដែលសារព័ត៌មាន​យកចិត្តទុកដាក់។         ឆ្លើយសំនួររបស់អ្នកយកព័ត៌មានដែលតាក់ទិនដល់កិច្ចការគាំពារពលរដ្ឋ ក្នុង​ នោះមានការដែលរដ្ឋាភិបាលកម្ពុជាមានផែនការបញ្ជូនជនវៀតណាមនៅ​ទន្លេសាព ទៅកន្លែងថ្មីដែលធ្វើឲ្យគ្រួសារក្រីក្រមួយចំនួនព្រួយបារម្មណ៍គ្មានកន្លែងស្នាក់នៅយូរ អង្វែង អ្នកនាំពាក្យក្រសួងការបរទេសលោក Le Hai Binh បានឲ្យ​ដឹងថា ស្ថានទូតវៀត ណាមប្រចាំនៅកម្ពុជាកំពុងសហការជិតស្និទ្ធជាមួយស្ថាប័ន​មានសមត្ថកិច្ចកម្ពុជាដើម្បី មានវិធានការជួយឧបត្ថម្ភគ្រួសារវៀតណាមនៅដំបន់នេះ។         ទាក់ទិនដល់ការដែលទូកនេសាទត្រីរបស់វៀតណាមត្រូវកំលាំងប៉ូលីស​សមុទ្រថៃ បាញ់ដែលធ្វើឲ្យអ្នកនេសាទវៀតណាមម្នាក់ត្រូវស្លាប់ អ្នកនាំពាក្យ​ក្រសួង​ការបរទេសបានអះអាងថា៖ “ក្រសួងការបរទេសវៀតណាមបានផ្ញើរកំណត់ទូតជូនស្ថានទូតថៃប្រចាំនៅវៀតណាម ផ្សេងទៀតស្ថានទូតវៀតណាមប្រចាំនៅថៃបានជួបសន្ទនាក្រសួងការ​បរទេសថៃដើម្បី ប្រឆាំងជំទាស់ការដែលថៃបាញ់សម្លាប់និងធ្វើឲ្យអ្នកនេសាទវៀតណាមត្រូវរងរបួស។ នាពេលកន្លងទៅក្រុមការងារថៃបានមកធ្វើការជាមួយ​ស្ថាប័ន​មានសមត្ថកិច្ចវៀតណាម។ នៅបណ្ដាពិថីធ្វើការ ភាគីថៃបានសន្យា​សង្កេតការណ៍និងនឹងផ្គត់ផ្គង់លទ្ធផលសំរាប់ភាគី វៀតណាម។ នាយករដ្ឋមន្ត្រីថៃ​បានចេញសារាចរណ៍សង្កេតការណ៍លើករណីនេះផងដែរ៕”