ម៉ាឡេស៊ី៖ Langkawi ត្រៀមរៀបចំល្អសំរាប់សន្និសីទកំពូលអាស៊ាន២០១៥ (themalaysianinsider.com)         Vovworld-រដ្ឋមន្ត្រីការបរទេសម៉ាឡេស៊ីលោក Anifah Aman នាថ្ងៃទី១៨​មេសា បានឲ្យដឹងថា រដ្ឋអំណាច Langkawi បានត្រៀមរៀបចំហេដ្ឋានរចនា​សម្ព័ន្ធល្អបំផុត សំរាប់សន្និសីទកំពូលអាស៊ានលើកទី២៦ដែលគ្រោងនឹងប្រព្រឹត្តទៅនៅទីនេះនា ថ្ងៃទី២៧មេសា។ ថ្លែងមតិបន្ទាប់ពីទៅពិនិត្យហេដ្ឋានរចនាសម្ព័ន្ធ លោក​ Aman បាន អះអាងថា​ ប្រទេសម្ចាស់ផ្ទះអាចមោទនភាពអំពីលទ្ធភាព​ផ្គត់ផ្គងហេដ្ឋានរចនា សម្ព័ន្ធជាន់ខ្ពស់សំរាប់សន្និសីទ។ លោកបានវាយតំលៃ​ខ្ពស់ការខំប្រឹងប្រែងរបស់ ស្ថាប័នអភិវឌ្ឍន៍​ Langkawi (LADA) សំដៅធានា​ហេដ្ឋានរចនាសម្ព័ន្ធឆ្លើយតបបាន តម្រូវការរបស់ក្រសួងការបរទេសនៃប្រទេសនេះ។ ទន្ទឹមនឹងនោះការងារសន្តិសុខ ក៏ត្រូវបានត្រៀមរៀបចំដ៏ម៉ត់ចត់ដើម្បី​ទទួល​ស្វាគមន៍អ្នកប្រមុខរដ្ឋនៃប្រទេសអាស៊ាន ចំនួន១០ដែលចូលរួម​សន្និសីទ៕