សិក្ខាសាលានេះសំដៅអនុវត្តសេចក្តីសម្រេចនៃមហាសន្និបាតលើកទី ១៤ របស់បក្ស និងសេចក្តីសម្រេចចិត្តលេខ ៨០ របស់ការិយាល័យនយោបាយ ស្តីពីការអភិវឌ្ឍវប្បធម៌វៀតណាម។ ថ្លែងនៅក្នុងសន្និសីទសារព័ត៌មានដែលបានធ្វើឡើងនារសៀលថ្ងៃទី ៥ ខែតុលា លោក ជ្រៀវ ធេ ហ៊ុង អនុប្រធានគណៈកម្មាធិការវប្បធម៌ និងសង្គមនៃរដ្ឋសភា បានថ្លែងថា៖ “សិក្ខាសាលាលើកនេះបានប្រមូលផ្តុំសំឡេងរបស់អ្នកគ្រប់គ្រង អ្នកវិទ្យាសាស្ត្រ អ្នកជំនាញ និងអ្នកអនុវត្តជាក់ស្តែង ដើម្បីកំណត់ទស្សនៈថ្មីៗ អំពីការអភិវឌ្ឍ លើកកម្ពស់តម្លៃ និងចំណុចខ្លាំងនៃវប្បធម៌ និងមនុស្សវៀតណាមនៅក្នុងយុគសម័យថ្មី។ ជាមួយគ្នានោះគឺបញ្ហាកកស្ទះ និងបញ្ហាប្រឈមក្នុងការអភិរក្ស និងលើកកម្ពស់តម្លៃវប្បធម៌ បង្កើតលំហថ្មី និងកម្លាំងចលករសម្រាប់ការអភិវឌ្ឍវប្បធម៌”។

ចំណុចសំខាន់នៃសិក្ខាសាលានេះគឺដើម្បីបង្កើតការត្រិះរិះថ្មីលើការសុក្រិតស្ថាប័នវប្បធម៌ ដោះសោធនធានដើមដើម្បីបម្រើគោលដៅអភិវឌ្ឍន៍ បង្កើនការយល់ដឹង និងសមត្ថភាពអនុវត្ត ដើម្បីឱ្យតម្លៃវប្បធម៌វៀតណាមក្លាយជាកម្លាំងចលករដ៏សំខាន់សម្រាប់ការអភិវឌ្ឍប្រកបដោយចីរភាពរបស់ប្រទេសជាតិ៕