បរិមាណជនឥស្លាមជ្រុលនិយមបានកើនឡើងច្រើនបំផុតពីមុនមកនៅអាល្លឺម៉ង់ (VOV)_​រដ្ឋមន្ត្រីក្រសួងមហាផ្ទៃអាល្លឺម៉ង់ លោក Thomas de Maiziere នាថ្ងៃទី១០  កញ្ញា បានជូនដំណឹងថា៖ បរិមាណជនឥស្លាមជ្រុលនិយម នៅ​ប្រទេសនេះកំពុងស្ថិត នៅកំរិតច្រើនបំផុតពីមុនមក។ ការព្រមាននេះត្រូវបាន​លោក Thomas de Maiziere  នាំចេញ ក្នុងឱកាស ១៥ឆ្នាំ ​មានការវាយប្រហារ​ភេរវកម្ម (ថ្ងៃទី១១កញ្ញាឆ្នាំ២០0១)នៅ អាមេរិក។ រដ្ឋមន្ត្រីក្រសួងមហាផ្ទៃ បាន​អោយដឹងថា៖នៅអាល្លឺម៉ង់ មានមុខសញ្ញាជាង ៥០០នាក់អាចវាយប្រហារភេរវកម្មនៅក្នុងប្រទេស។ ទន្ទឹមនឹងនោះ មានមុខសញ្ញា៣ ៦០នាក់ទៀត មានទំនាក់ទំនងជាមួយមុខសញ្ញាពោលខាងលើ។ លោក Thomas de Maiziere ក៏បានអះអាង​ថា៖​អាល្លឺម៉ង់កំពុងខំប្រឹងប្រែងអស់ពីកម្លាំងកាយចិត្ត ដើម្បី តាមដានមុខសញ្ញា​នានា និងត្រៀមរៀបចំសេណារីយ៉ូដាក់ពង្រាយកងទ័ពតាមដងវិថីនានា៕