ឯកអគ្គរដ្ឋទូតអាមេរិកប្រចាំនៅចិនលោក Max Baucus (Reuters)         Vovworld-នាថ្ងៃទី២៥មិថុនា ឯកអគ្គរដ្ឋទូតអាមេរិកប្រចាំនៅចិនលោក Max Baucus បានព្រមានប៉េកាំងថា វ៉ាស៊ីនតោននឹងដោះស្រាយយ៉ាងខ្លាំងក្លា​ចំពោះ សកម្មភាពចារកម្មលើបណ្ដាញអិនធឺណែតដោយរដ្ឋជួយឧបត្ថម្ភ។ តាម​លោក ថា នេះជាគ្រោះអាសន្នសំខាន់គំរាមកំហែងដល់ខឿនសេដ្ឋកិច្ចនិង​សន្តិសុខ​ជាតិ អាមេរិក។ ក្នុងសន្ទរកថានៅចំពោះមុខថ្នាក់ដឹកនាំអង្គភាពអាជីវកម្មនៃ​ប្រទេស ទាំងពីរ ឯកអគ្គរដ្ឋទូត Baucus បានសង្កត់ធ្ងន់ថា វ៉ាស៊ីនតោននឹងបន្ត​អនុវត្ត វិធានការការទូតនិងកត្តិយុតដើម្បីអំពើរបទល្មើសលើបណ្ដាញអិនធឺនែតត្រូវ បញ្ឈប់។ ក្នុងរយៈពេលកន្លងមក អាមេរិកនិងចិនបានចោទប្រកាន់គ្នាទៅវិញ​ទៅ ​មក​ដំណើរការសកម្មភាពចារកម្មលើបណ្ដាញអិនធឺនែតមានទ្រង់ទ្រាយធំ។ នា ថ្ងៃទី​១៩ឧសភាកន្លងមក តុលាការសហរដ្ឋអាមេរិកនៅទីក្រុង Pittsburg រដ្ឋ Pensylvania បានចេញសាលក្រមចំពោះនាយទាហានកងទ័ពចិនមួយចំនួនពី​បទ​​ធ្វើសកម្មភាពចារកម្មលើបណ្ដាញអិនធឺនែតតម្រង់ទៅលើសម្ព័ន្ធក្រុមហ៊ុន​មួយ​​ ចំនួនរបស់អាមេរិក៕