VOVWORLD_លោកNguyen Hoang Nam នៅឃុំNgu Lac ស្រុកDuyen Hai ខេត្តTraVinhភាគខាងត្បូងវៀតណាមជាជនជក់ចិត្តនឹងការច្នៃប្រឌិត ម៉ាស៊ីននិងឧបករណ៍បំរើការងាបង្កបង្កើនផលរបស់ប្រជាកសិករ។ឧបករណ៍ បំរើផលិតកម្មកសិកម្មរបស់លោកត្រូវបានប្រើប្រាស់ដោយនាំមកនូវប្រសិទ្ធភាព ជាក់ស្ដែងយ៉ាងខ្ពស់។         ម៉ាស៊ីនពហុបូមនិង Robotដែលអាចបោសសំអាតបន្ទប់ទឹក លូទឹកស្អុយ នោះគឺ ជា ផលិតផល ទាំង២របស់លោក Nguyen Hoang Namត្រូវបានទទួល ពានរង្វាន់លេខ​២និង​លេខ៣នៅក្នុងការប្រលងច្នៃប្រឌិតបច្ចេកទេសខេត្ត  Tra Vinh។ឧបករណ៍ទាំង​២នេះ​ជួយកម្មករបន្ធូរបន្ថយនូវការ​នឿយហត់ដោយ គេមិនចាំបាច់លូនចូលលូទឹក​ស្អុយដើម្បីបោសសំអាតសំរាមទៀតឡើយ។ការ ច្នៃប្រឌិតម៉ាស៊ីនពហុបូមដើម្បីសំអាតលូទឹកស្អុយនោះគឺពិបាកណាស់ហើយ ការបង្កើតឡើងRobotបូមដីនិងខ្សាច់ក្នុងបំពង់ចង្អៀតនិងវែងគឺកាន់តែ ពិបាកថែមទៀត។គុណសម្បតិ្តនៃRobotដោយលោកNamបង្កើតនោះគឺវា ដើរដោយកំលាំងទឹកហើយមិនប្រើអគ្គិសនីដូច្នេះទើបវាធានាសុវតិ្ថភាព សំរាប់ប្រជាពលករខណៈធ្វើការក្នុងទឹក។នាបច្ចុប្បន្នRobotនេះត្រូវបាន ប្រើប្រាស់នៅតាមសហគ្រាសជាច្រើន។លោក Nguyen Hoang Namបានឲ្យ ដឹងថា       “​ប្រសិទ្ធភាពការងារនៃ Robotនេះស្មើនឹងពលករប្រមាណ៦-៧នាក់។ក្នុង ការ​បោស​សំអាតសំរាមស្ដារភក់នេះប្រសិនបើទុកឲ្យកម្មករលូនចូលលូទឹក​ ស្អុយ​គឺមិន​សុវតិ្តភាពទេ។ជាមួយ Robotនេះគ្រាន់តែអង្គុយនៅខាងលើដើម្បី បញ្ជា Robotហើយរង់​ចាំ​ដល់ពេលវាបូមដី ភក់និងសំរាមពេញឡានគឺដឹកទៅ ចាក់ចោល”។         លោក Nguyen Hoang Namនៅច្នៃប្រឌិតឧបករណ៍ចំនួយន២ទៀតនោះ គឺ​ឧបករណ៍​​សន្សំសំចៃអគ្គិសនីក្នុងការចិញ្ចឹមលផលនិងឧបករណ៍បិទភ្លើង ដោយស្វ័យ​ប្រវតិ្ត​នៅពេល​ចរន្តអគ្គិសនីខ្លាំងហួសកំរិត។ឧបករណ៍ទាំងនេះ មានតំលៃទាបហើយ​សំខាន់គឺសន្សំសំចៃបានអគិ្គសនីចំនួន៥០%បើប្រៀប នឹងឧបករណ៍ដែលក្រុមអ្នកចិញ្ចឹមជលផលកំពុងប្រើប្រាស់នាសព្វថ្ងៃ។តាម លោក Mai Dung Tienជាអនុប្រធាន​សមាគម​កសិករ​ឃុំ​Ngu​ Lac ស្រុកDuyen  Hai ខេត្ត Tra Vinhបានឲ្យដឹងថា     “នៅក្នុងតំបន់នេះមានមនុស្សជាច្រើនចិញ្ចឹមជលផល។ឧបករណ៍ដោយ លោកNamបង្កើតឡើងនោះបានជួយសន្សំសំចៃភ្លើងក្នុងសកម្មភាពចិញ្ចឹម ជលផលដោយនាំមកនូវប្រសិទ្ធភាពសេដ្ឋកិច្ចខ្ពស់ជូនបងប្អូននិងរួមចំណែក កាត់បន្ថយភាពក្រីក្រក្នុងឃុំទៀតផង”។ លោក Nguyen Hoang Namនិងឧបករណ៍បំរើផលិតកម្ម         នាបច្ចុប្បន្ន មន្ទីរវិទ្យាសាស្រ្តបច្ចេកវិទ្យាខេត្ត Tra Vinhបានជួយលោក Nguyen Hoang Namចុះបញ្ជីកម្មសិទិ្ធបញ្ញាឧស្សាហកម្មចំពោះឧបករណ៍បំរើ​ ផលិតកម្ម​កសិកម្ម​ទាំងនោះព្រមទាំងឲ្យលោកខ្ចីដើមទុនចំនួន៣០០លានដុង ឯណោះដើម្បីបន្តការសិក្សាស្រាវជ្រាវផលិតឧបករណ៍ថ្មីនានា។លោកLe Van Truyen កម្មាភិបាល​ការិយាល័យ​គ្រប់គ្រងឯកទេសមន្ទីរវិទ្យាសាស្រ្តបច្ចេកវិទ្យា ខេត្ត Tra Vinhបានឲ្យដឹងថា       “លោក Nam ជាអ្នកឧស្សាហ៍ព្យាយាមរៀនសូត្រសិក្សាស្រាវជ្រាវរិះរក ដំណោះ​ស្រាយច្នៃប្រឌិតបច្ចេកទេស។លោកបានសំរេចជោគជ័យក្នុងការ បង្កើតឡើងម៉ាស៊ីនពហុបូម ឧបករណ៍បិទភ្លើងដោយស្វ័យ​ប្រវតិ្តនិងប្រព័ន្ធ កង្ហារសន្សំសំចៃអគ្គិសនីសំរាប់​វិស័យ​ចិញ្ចឹមជលផល។ដំណោះស្រាយទាំង នេះមានតំលៃអនុវត្តជាក់ស្ដែងយ៉ាង​ខ្ពស់”។         ឥឡូវនេះលោកNguyen Hoang Namកំពុងសិក្សាស្រាវជ្រាវការច្នៃប្រឌិត​ ឧបករណ៍​ប្រើ​កំលាំងខ្សល់និងឧបករណ៍ច្រោះទឹកបញ្ចេញចោល សន្សំសំចៃ ទឹកស្អាត។​ស្នាដៃ​ទាំងអស់របស់លោកបានរួមចំណែកកសាងជនបទថ្មីនិង អភិវឌ្ឍន៍សេដ្ឋកិច្ចសង្គមកិច្ចនៅប៉ែកខាងលិចភូមិភាគខាងត្បូងវៀតណាម៕