(VOVWORLD) -ວັນທີ 25 ເມສາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ນຳຫນ້າຄະນະຜູ້ແທນຂັ້ນສູງຫວຽດນາມ ເດີນທາງເຖິງ ປັກກີ່ງ ເຂົ້າຮ່ວມເວທີປາໄສການຮ່ວມມື “ຫນຶ່ງແລວທາງ ແລະ ຫນຶ່ງເສັ້ນທາງ” ຕາມຄຳເຊີນຂອງທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ. ການຢ້ຽມຢາມ ເປັນການສະແດງໃຫ້ເຫັນຄວາມເປັນເຈົ້າການ, ຕັ້ງຫນ້າ, ເຊື່ອມໂຍງເຂົ້າກັບສາກົນຂອງພັກ, ລັດຫວຽດນາມ ສະແດງໃຫ້ເຫັນວ່າ ຫວຽດນາມ ຊົມເຊີຍບັນດາຂໍ້ລິເລີ່ມຊຸກຍູ້ການເຊື່ອມຕໍ່ ແລະ ການຮ່ວມມືດ້ານເສດຖະກິດພາກພື້ນ, ໃນນັ້ນ ມີຂໍ້ລິເລີ່ມ “ຫນຶ່ງແລວທາງ, ຫນຶ່ງເສັ້ນທາງ”, ດ້ວຍຫລັກການຮ່ວມມືສັນຕິພາບ, ສະເຫມີພາບ ແລະ ຕ່າງຝ່າຍຕ່າງມີຜົນປະໂຫຍດ, ເຄົາລົບເຊິ່ງກັນ ແລະກັນ, ສອດຄອ່ງກັບກົດໝາຍສາກົນ ແລະກົດບັດ ສປຊ.
