(VOVWORLD)- ພາຍຫລັງຕົກລົງຮັບຮອງ Jelusalem ແມ່ນນະຄອນຫລວງຂອງ ອິດສະຣາແອນ, ວັນທີ 25 ມີນາ, ປະທານາທິບໍດີ ອາເມລິກາ Donald Trump ໄດ້ເຊັນຖະແຫລງການຮັບຮອງອະທິປະໄຕຂອງ ອິດສະຣາແອນ ຢູ່ ເຂດພູພຽງ Golan ຢ່າງເປັນທາງການ. ການກະທຳຂອງທ່ານ D. Trump ອີກຄັ້ງຫນຶ່ງເຮັດໃຫ້ຫາງສຽງສາກົນມີຄວາມສົນໃຈທີ່ສຸດ, ເມື່ອຕ່າວປີ້ນນະໂຍບາຍຂອງ ອາເມລິກາ ສຳລັບພາກພື້ນນີ້ ເຊິ່ງໄດ້ປະຕິບັດໃນໄລຍະກວ່າ 50 ປີຜ່ານມາ. ການກະທຳດັ່ງກ່າວຂອງທ່ານ D. Trump ເຮັດໃຫ້ຫາງສຽງໂລກມີຄວາມວິຕົກກັງວົນ ແລະ ກ່າວເຕືອນວ່າ ອາດຈະກໍ່ຜົນຮ້າຍອັນຕະລາຍສຳລັບດ້ານການເມືອງ ຄວາມໝັ້ນຄົງ ແລະ ຜົນຮ້າຍຕາມຫລັງຕໍ່ກົດໝາຍສາກົນ.

(VOVWORLD) -ກອງປະຊຸມສໍາມະນາ “ແກ້ໄຂຜົນຮ້າຍຢ້ອນຫຼັງຈາກສົງຄາມ: ໄລຍະທາງໄກ່ເກ່ຍ ແລະ ຮ່ວມມືໃນອະນາຄົດລະຫວ່າງຫວຽດນາມ ແລະ ອາເມລິກາ” ຈະຖືກດໍາເນີນໃນວັນທີ 26 ມີນາ ຢູ່ນະຄອນຫຼວງ ວໍຊິງຕັນ, ອາເມລິກາ. ດ້ວຍໄລຍະເກືອບ 44 ປີ ນັບແຕ່ເມື່ອສິ້ນສຸດສົງຄາມ ແລະ 25 ປີ ແຫ່ງວັນສ້າງຕັ້ງການພົວພັນລະຫວ່າງຫວຽດນາມ ແລະ ອາເມລິກາ ເປັນປົກກະຕິ ໄດ້ບັນລຸໝາກຜົນຕັ້ງໜ້າໃນການຮ່ວມມື ແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ ແລະ ເຫດການດັ່ງກ່າວ ອີກຄັ້ງໜຶ່ງໄດ້ຢັ້ງຢືນໃຫ້ເຫັນຄວາມມານະພະຍາຍາມຈາກສອງຝ່າຍ ເພື່ອແນໃສ່ ສ້າງຄວາມໄວ້ເນື້ອເຊື່ອໃຈ, ສືບຕໍ່ກໍ່ສ້າງສາຍພົວພັນອັນດີງາມລະຫວ່າງຫວຽດນາມ ແລະ ອາເມລິກາ. 

(VOVWORLD) - ວັນທີ 21 ມີນາ, ກອງປະຊຸມສຸດຍອດສະຫະພາບເອີລົບ (EU) ໄດ້ໄຂຂຶ້ນ ຢູ່ ບຣຸກແຊນ ປະເທດແບນຊິກ. ໂດຍໄດ້ດຳເນີນໃນເວລາ 2 ວັນ, ນອກຈາກບັນຫາຮ້ອນເຮັ່ງທີ່ນຳມາປຶກສາຫາລືກ່ຽວກັບເລື່ອງ ອັງກິດຖອນຕົວອອກຈາກ EU, ຄາດວ່າ ການນຳບັນດາປະເທດສະມາຊິກ EU ຍັງປຶກສາຫາລືກ່ຽວກັບຍຸດທະສາດອຸດສາຫະກຳເອີລົບ. ນີ້ໄດ້ຮັບຖືວ່າ ແມ່ນຄວາມມານະພະຍາຍາມອີກອັນຫນຶ່ງຂອງ EU ໃນການປັບປຸງຄວາມສາມັກຄີພາຍໃນກຸ່ມ, ພາຍຫລັງວິວັດການສ້າງຕັ້ງກອງທັບຮ່ວມ ໃນເອີລົບ ພວມບັນລຸໄດ້ຄວາມຄືບຫນ້າ.