(VOVWORLD) -ເດືອນສິງຫາຂອງ 73 ປີກ່ອນນີ້, ທົ່ວປວງຊົນທັງຊາດຫວຽດນາມ ໄດ້ມີຄວາມຟົດຟື້ນມ່ວນຊື່ນຕໍ່ຄວາມເອກອ້າງທະນົງໃນທີ່ລົ້ນເຫຼືອ ເມື່ອປະເທດຊາດໄດ້ຫຼຸດພົ້ນອອກຈາກແອກຂ້າທາດ ແລະຊີວິດການເປັນຢູ່ທີ່ລໍາບາກກາກກໍາ.  ນັບແຕ່ນັ້ນມາ, ປະຊາຊົນໄດ້ມີເອກະລາດ - ມີຄວາມເສລີພາບ ເພື່ອສ້າງສາປະເທດຊາດ, ສ້າງສາບ້ານເກີດເມືອງນອນ ແລະ ສ້າງຄອບຄົວຂອງຕົນໃຫ້ມີຄວາມອົບອຸ່ນ. ເມື່ອລະດູໃບໄດ້ຫຼົ່ນວຽນມາ, ວັນບຸນສະຖາປະນາປະເທດແຕ່ລະເທື່ອ, ຢູ່ທຸກແຫ່ງຫົນຂອງປະເທດຫວຽດນາມ ແມ່ນເຕັມໄປດ້ວຍສີແດງຂອງທຸງຊາດ - ສີແດງຂອງການເສຍສະຫຼະເລືອດເນື້ອ ແລະສີແດງຂອງຄວາມເອກອ້າງທະນົງໃຈຕໍ່ໝາກຜົນແຫ່ງການສ້າງສາ ແລະ ປົກປັກຮັກສາປະເທດຫວຽດນາມ. ບັນຍາກາດດັ່ງກ່າວໄດ້ສະແດງໃຫ້ເຫັນຄວາມໄວ້ເນື້ອເຊື່ອໃຈຕໍ່ປະເທດຫວຽດນາມທີ່ນັບມື້ນັບພັດທະນາຢ່າງໝັ້້ນຄົງ ແລະ ເຊື່ອມໂຍງ.

(VOVWORLD) -ພາຍຫລັງການເຈລະຈາ ສັນຍາການຄ້າເສລີອາເມລິກາເຫນືອ (NAFTA) ໂດຍບໍ່ມີທາງອອກ, ປະຈຸບັນ ພວມປະກົດອອກບັນດາຄວາມຄືບຫນ້າທີ່ດີ. ນີ້ແມ່ນສັນຍານຕັ້ງຫນ້າ ຍ້ອນບັນດາການປຶກສາຫາລື 3 ຝ່າຍ (ອາເມລິກາ, ເມຊີກໂກ ແລະ ການາດາ) ແກ່ຍາວເກືອບ 1 ປີ ເພື່ອຊອກທິດຮຽບຮຽງຂໍ້ຕົກລົງນີ້ຄືນໃຫມ່ ແຕ່ເກືອບຄືວ່າບໍ່ບັນລຸບາດກ້າວບຸກທະລຸ, ຊ້ຳບໍ່ໜຳ ມີບາງຈຸດເວລາ ສັນຍາ NAFTA ເກືອບຈະຖືກພັງທະລາຍ. ເຖິງວ່າ ມີບາດກ້າວຕັ້ງຫນ້າກໍ່ຕາມ ແຕ່ເສັ້ນທາງກ້າວໄປເຖິງການບັນລຸຂໍ້ຕົກລົງໄດ້ຢ່າງສົມບູນແບບໃນປີນີ້ ນັ້ນແມ່ນຍັງຈະປະສົບກັບຄວາມຫຍຸ້ງຍາກຢູ່.

(VOVWORLD) -ການຢ້ຽມຢາມ ເອທີໂອປີ ແລະ ອີຢິບ ຄັ້ງນີ້ ຂອງທ່ານປະທານປະເທດຫວຽດນາມ ເຈີ່ນດ້າຍກວາງ   ເພື່ອແນໃສ່່ເພີ່ມທະວີການພົວພັນມິດຕະພາບທີ່ເປັນມູນເຊື້ອກັບບັນດາປະເທດອາຟິຼກາ ເວົ້າລວມ, ກັບ ເອທີໂອປີ ແລະ ອີຢິບເວົ້າສະເພາະ. ຜ່ານນັ້ນ, ຊຸກຍູ້ການພົວພັນລະຫວ່າງຫວຽດນາມ ກັບສອງປະເທດດັ່ງກ່າວ ໃຫ້ນັບມື້ນັບພັດທະນາຍິ່ງໆຂຶ້ນ.