(VOVWORLD) -ການພົວພັນລະຫວ່າງ ວໍຊີງຕັນ ແລະ ມົດສະກູ ພວມຕົກເຂົ້າສູ່ສະພາບຊົ່ວຮ້າຍທີ່ສຸດ ນັບແຕ່ເມື່ອເກີດສົງຄາມເຢັນ. ບັນດາຄວາມບໍ່ລົງລອຍກັນ, ຄວາມຂັດແຍ້ງກັນ, ການຖົກຖຽງກັນ, ຄຳກ່າວຫາ, ການລົງໂທດ ແລະ ໂຕ້ຕອບເຊິ່ງກັນ ແລະກັນຍັງບໍ່ທັນມີສັນຍານສິ້ນສຸດລົງເທື່ອ. ໃນຊຸມມື້ນີ້, ບັນດາຄຳກ່າວຫາທີ່ກ່ຽວຂ້ອງເຖິງເຫດບຸກໂຈມຕີດ້ວຍອາວຸດເຄມີຢູ່ ຊີຣີ ສືບຕໍ່ຍູ້ ອາເມລິກາ ແລະ ລັດເຊຍ ໃຫ້ຕົກເຂົ້າສູ່ສະພາບສູ້ຢັນກັນ, ຊ້ຳບໍ່ຫນຳ ແຜນການບຸກໂຈມຕີທາງການທະຫານແມ່ນໄດ້ກຽມພ້ອມ. ຮອດຈຸດເວລານີ້, ຍາກທີ່ຈະຊອກໄດ້ບໍ່ວ່າສັນຍານໃດຂອງການຮ່ວມມືລະຫວ່າງສອງປະເທດມະຫາອຳນາດ ໃນອະນາຄົດ.
