 ການນຳບັນດາປະເທດສັງກັດສະພາຮ່ວມມືເຂດອ່າວເປີເຊຍ
(ພາບ: infonet.vn) |
Vovworld- ວັນທີ 16/3, ທ່ານເລຂາທິການໃຫຍ່ສະພາຮ່ວມມືເຂດອ່າວເປີເຊຍ Abdellatif al-Zayani ໃຫ້ຮູ້ວ່າ 6 ປະເທດເຂດອ່າວເປີເຊຍລວມມີ: ຊາອຸດິ ອາຣາເບຍ, ສະຫະລັດອາຣັບເອັມມີເລດ, ບາແຣນ, ໂອມານ, ກາຕາ ແລະ ຄຸເວດຈະປິດປະຕູສະຖານທູດຂອງຕົນປະຈຳ ຊີຣີເພື່ອສະກັດກັ້ນສະພາບການໃຊ້ຄວາມຮຸ່ນແຮງທີ່ແກ່ຍາວເປັນເວລາ 1 ປີທີ່ຜ່ານມາຢູ່ປະເທດນີ້. ໃນຂະນະນັ້ນ, ຜູ້ຕາງໜ້າຂັ້ນສູງ ຮັບຜິດຊອບນະໂຍບາຍປ້ອງກັນຄວາມສະຫງົບ ແລະ ການພົວພັນຕ່າງປະເທດ ສະຫະພາບເອີລົບ ທ່ານນາງ Catherine Ashton ໄດ້ສະແດງຄວາມຫວັງວ່າ ບັນດາ ລັດຖະບານຂອງ 27ປະເທດໃນກຸ່ມນີ້ຈົ່ງຮຽກຕົວເອກອັກຄະລັດຖະທູດຂອງພວກເຂົາອອກຈາກຊີຣີ. ຂ່າວຍັງໃຫ້ຮູ້ອີກວ່າ ກອງປະຊຸມບັນດາລັດຖະມົນຕີການຕ່າງປະເທດ ສະຫະພາບເອີລົບທີ່ຈະດຳເນີນໃນວັນທີ 22, 23/3ນີ້, ເປັນຄັ້ງທຳອິດຈະມີການເຂົ້າຮ່ວມຂອງ ລັດຖະມົນຕີການຕ່າງປະເທດເຕິກກີ ແລະ ຈະເລັ່ງໃສ່ກໍລະນີ ປິດປະຕູ ສະຖານທູດຂອງບັນດາປະເທດ ສະຫະພາບເອີລົບ ປະຈຳ ຊີຣີ.
