 ທ່ານໂຕເລິມ ເລຂາທິການໃຫຍ່ ກ່າວຄຳເຫັນທີ່ການເຮັດວຽກ (ພາບ: VOV1) |
ຕອນບ່າຍວັນທີ 31 ມີນາ, ຢູ່ຫໍສະພາແຫ່ງຊາດ, ທ່ານໂຕເລິມ ເລຂາທິການໃຫຍ່, ຫົວໜ້າຄະນະກວດກາເລກ 10 ຂອງກົມການເມືອງ ໄດ້ເປັນປະທານການເຮັດວຽກຮັບຮອງເອົາຮ່າງບົດລາຍງານຕິດຕາມກວດກກາບັ້ນທີ 1 ແລະ ຜັນຂະຫຍາຍຂໍ້ຕົກລົງກວດກກາບັ້ນທີ 2 ຂອງກົມການເມືອງ ຕໍ່ຄະນະປະຈຳຄະນະພັກສະພາແຫ່ງຊາດ.
ກ່າວຄຳເຫັນທີ່ການເຮັດວຽກ, ທ່ານເລຂາທິການໃຫຍ່ ໂຕເລິມ ຮຽກຮ້ອງຄະນະພັກສະພາແຫ່ງຊາດ ສືບຕໍ່ຊີ້ນຳນຳພາ, ເຊື່ອມຊືມ ແລະ ຜັນຂະຫຍາຍປະຕິບັດມະຕິຂອງກອງປະຊຸມໃຫຍ່ຄັ້ງທີ XIV ຂອງພັກຢ່າງມີໄຊ, ກຳນົດຢ່າງຈະແຈ້ງວ່ານີ້ແມ່ນວຽກງານເປັນປະຈຳໃນຕະຫຼອດອາຍຸການ; ການຜັນຂະຫຍາຍຕ້ອງຕິດພັນກັບແຕ່ລະໂຄງການ, ແຜນການປະຕິບັດງານ, ແຕ່ລະນະໂຍບາຍຊີ້ຂາດລະອຽດ, ແຕ່ລະໝາກຜົນຂອງການປະຕິບັດ, ຮັບປະກັນມະຕິຕ້ອງເຂົ້າສູ່ຊີວິດຕົວຈິງຢ່າງແທ້ຈິງ. ທ່ານເລຂາທິການໃຫຍ່ໂຕເລິມ ເນັ້ນໜັກວ່າ:
ຕ້ອງຫັນຜົນສຳເລັດຂອງການເລືອກຕັ້ງກາຍເປັນຄວາມຮັບຜິດຊອບ ແລະ ການກະທຳລະອຽດຂອງສະພາແຫ່ງຊາດ ແລະ ບັນດາສະມາຊິກສະພາແຫ່ງຊາດໃນອາຍຸການຊຸດທີ XVI. ບັນດາແຜນນະໂຍບາຍ, ນະໂຍບາຍໃຫຍ່ຂອງພັກຕ້ອງໄດ້ຫັນປ່ຽນກາຍເປັນບັນດາໂຄງການກໍ່ສ້າງກົດໝາຍ, ບັນດາມະຕິລະອຽດ, ມີຄວາມເປັນໄປໄດ້ສູງ, ບໍ່ປະໃຫ້ເກີດສະພາບການປະຕິບັດການຫັນບັນດາແຜນນະໂຍບາຍຂອງພັກເປັນລະບອບລະບຽບການຢ່າງຊັກຊ້າ, ບໍ່ປະໃຫ້ລະບອບລະບຽບການກາຍເປັນຈຸດອຸດຕັນຂອງການພັດທະນາ.
