 ທ່ານ Shantanu Chakraborty ຜູ້ອຳນວຍການແຫ່ງຊາດ ທະນາຄານພັດທະນາອາຊີ (ADB) ຢູ່ ຫວຽດນາມ (ພາບ: ADB)
|
ຕອບສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ, ເນື່ອງໃນໂອກາດກອງປະຊຸມໃຫຍ່ຄັ້ງທີ XIV ຂອງພັກກອມມູນິດ ຫວຽດນາມ ພວມດຳເນີນຢູ່ຮ່າໂນ້ຍ, ທ່ານ Shantanu Chakraborty ຜູ້ອຳນວຍການແຫ່ງຊາດ ທະນາຄານພັດທະນາອາຊີ (ADB) ຢູ່ ຫວຽດນາມ ເນັ້ນໜັກວ່າບັນດາການປະຕິຮູບເຊິ່ງ ຫວຽດນາມ ພວມຜັນຂະຫຍາຍແມ່ນການປະຕິຮູບໃຫຍ່ທີ່ສຸດນັບແຕ່ໄລຍະປ່ຽນແປງໃໝ່ມາຮອດປັດຈຸບັນ ແລະ ຫວຽດນາມ ພວມຢືນຢູ່ຕໍ່ໜ້າຫຼາຍໂອກາດເພື່ອບຸກທະລຸຢ່າງແຮງ. ທ່ານ Shantanu Chakraborty ຖືວ່າ ລັດຖະບານ ຫວຽດນາມ ໄດ້ສະແດງໃຫ້ເຫັນຄວາມມານະພະຍາຍາມທີ່ສຸດເພື່ອຜັນຂະຫຍາຍຫຼາຍການປະຕິຮູບທີ່ສຳຄັນເພື່ອແນໃສ່ປັບປຸງ ແລະ ຊຸກຍູ້ການເຕີບໂຕເສດຖະກິດ, ທ່ານ ເນັ້ນໜັກວ່າ:
ຫວຽດນາມ ຍັງມີຫຼາຍໂອກາດໃນປີ 2026, ພິເສດເມື່ອແຜນການພັດທະນາໄລຍະ 5 ປີຕໍ່ໄປ ຄາດວ່າຈະຜັນຂະຫຍາຍນັບແຕ່ນີ້. ປີ 2026 ມີຄວາມໝາຍສຳຄັນພິເສດ, ເມື່ອຫວຽດນາມ ກ້າວເຂົ້າສູ່ສະໄໝການເມືອງທີ່ຟົດຟື້ນ, ດ້ວຍກອງປະຊຸມໃຫຍ່ຂອງພັກ ແລະ ການບູລະນະກົງຈັກສະພາແຫ່ງຊາດໃໝ່. ພວກເຮົາພວມກ້າວເຂົ້າສູ່ໄລຍະຂະຫຍັນຂັນເຄື່ອນທີສຸດຂອງສະໄໝການເມືອງ ແລະ ສິ່ງນັ້ນກໍ່ຈະປະກອບສ່ວນຊຸກຍູ້ການເຄື່ອນໄຫວດ້ານເສດຖະກິດ ກໍ່ຄືກຳລັງໜູນບໍລິຫານຂອງລັດຖະບານ. ຂ້າພະເຈົ້າມຫວັງວາ ທ່າປະຕິຮູບ ແລະ ການພັດທະນາຢ່າງຕັ້ງໜ້ານີ້ ຈະສືບຕໍ່ໄດ້ຮັກສາໄວ້ໃນປີ 2026 ແລະ ໃນຊຸມປີຕໍ່ໄປ, ເມື່ອຫວຽດນາມ ກ້າວເຂົ້າສູ່ໄລຍະພັດທະນາໃໝ່.
