( vovworld ) – ໃນຂອບເຂດໂຄງການ “ຍົກສູງຄວາມສາມາດໃຫ້ແກ່ ASEAN ໃນການເຈລະຈາສັນຍາການຄ້າເສລີ“ ຂອງສະຫະພາບເອີລົບ (EU) ແລະ ASEAN, ວັນທີ 16/4, ຢູ່ນະຄອນຫຼວງ Jakarta Indonexia, ບັນດາເຈົ້າໜ້າທີ່, ຜູ້ຕາງໜ້າດຳເນີນທຸລະກິດຂອງ 10 ປະເທດສະມາຊິກສະຫະສະມາຄົມປະຊາຊາດອາຊີຕາເວັນອອກສ່ຽງໃຕ້ ( ASEAN) ແລະ ສະຫະພາບເອີລົບ (EU) ໄດ້ເລີ່ມຕົ້ນການປຶກສາຫາລືໃນວັນທຳອິດກ່ຽວກັບບັນດາສັນຍາການຄ້າເສລີ (FTA) ແລະ ການຄ້າສາກົນໃນຂົງເຂດກະສິກຳ, ກໍຄືການທ້າທາຍ ແລະ ກາລະໂອກາດທີ່ມີຕໍ່ສັນຍາການຄ້າເສລີລະຫວ່າງ ASEAN ແລະ EU ໃນອະນາຄົດ. ໃນການປຶກສາຫາລືເປັນເວລາ 5 ວັນ, ບັນດາຜູ້ແທນສຸມໃສ່ບັນດາຫົວຂໍ້ຄື: ການຄ້າສາກົນໃນຂົງເຂດກະສິກຳ, ບັນດາມາດຕະການຮັບປະກັນຫຼັກອະນາໄມ ແລະ ກວດພະຍາດສັດລ້ຽງ, ພືກສາຊາດ, ຮົ້ວກີດຂວາງເຕັກນິກສຳລັບການຄ້າ ແລະ ມາດພະຖານກ່ຽວຂ້ອງເຖິງດ້ານການຄ້າ, ພ້ອມທັງກະກຽມໃຫ້ບັນດາຮອບເຈລະຈາກ່ຽວກັບສັນຍາການຄ້າເສລີ.
