ທີ່ກອງປະຊຸມລັດຖະມົນຕີກະຊວງການຕ່າງປະເທດອາຊຽນ- EUໄດ້ໄຂຂຶ້ນໃນວັນດຽວກັນທີ່ປະເທດໄທ, ທ່ານນາງFederica Mogheriniໄດ້ຖະແຫຼງວ່າEUຢາກໃຫ້ຄຳໝັ້ນສັນຍາຕື່ມອີກກ່ຽວກັບບັນຫາດ້ານຄວາມໝັ້ນຄົງຢູ່ເອີຣົບແລະອາຊີ.ສະນັ້ນ:EUຈະຜັນຂະຫຍາຍບັນດາທີ່ປຶກສາດ້ານການທະຫານຢູ່ບັນດາຕາມສະຖານທູດຂອງສະຫະພາບເອີຣົບ ທີ່ປະຈຳຢູ່ອາຊີ. Brussels ຈະເລີ່ມຕົ້ນປະຕິບັດແຜນການນີ້ດ້ວຍການຜັນຂະຫຍາຍຄະນະປະຕິບັດງານຢູ່ຄຽງຂ້າງອາຊຽນທີ່ຈາກາຕາ, ອິນໂດເນເຊຍ. ທ່ານນາງMogheriniເນັ້ນໜັກວ່າຄວາມໝັ້ນຄົງຂອງອາຊີກໍ່ຄືຄວາມໝັ້ນຄົງຂອງເອີຣົບ.EUໄດ້ເປັນປະທານຮ່ວມ ຂອງຫຼາຍຂໍ້ລິເລີ່ມຢູ່ຂອບເຂດຂອງເວທີພາກພື້ນອາຊຽນມາແລ້ວ, ພິເສດແມ່ນບັນດາກອງປະຊຸມກ່ຽວກັບການຕໍ່ສູ້ຕ້ານການກໍ່ການຮ້າຍແລະອາດຊະຍະກຳຂ້າມຊາດແລະ ຄວາມໝັ້ນຄົງຢູ່ທະເລ. EUກໍ່ໄດ້ເຂົ້າການຊ້ອມຮົບທະຫານເຮືອໂດຍບັນດາປະເທດໃນອາຊີຈັດຂຶ້ນ.
