( vovworld ) – ວັນທີ 9/5, ຜູ້ຕາງໜ້າຂັ້ນສູງຮັບຜິດຊອບນະໂຍບາຍຄວາມປອດໄພ ແລະ ການພົວພັນຕ່າງປະເທດ EU, ທ່ານນາງ Catherine Aston ໄດ້ໄປຮອດ Jerusalem ແລະ ພົບປະກັບທ່ານນາຍົກລັດຖະມົນຕີອິດສຣາແອນ Benjamin Netanyahu ເພື່ອປຶກສາຫາລືກ່ຽວກັບການເຈລະຈານິວເຄຼຍທີ່ຈະມາເຖິງລະຫວ່າງອີຣານ ແລະ ກຸ່ມ P5+1 ( ເຊິ່ງລວມມີ 5 ປະເທດກຳມະການປະຈຳສະພາຄວາມໝັ້ນຄົງສະຫະປະຊາຊາດ ແລະ ເຢຍລະມັນ ). ທ່ານນາຍົກລັດຖະມົນຕີ Benjamin Netanyahu ຊີ້ແຈ້ງທັດສະນະຂອງອິດສຣາແອນ ວ່າ ອີຣານ ຄວນເຫັນດີ, ດ້ວຍຕາຕະລາງປະຕິບັດທັດສະນະ 3 ຂໍ້ຢ່າງຈະແຈ້ງຄື; ຢຸດຕິທຸກການເຄື່ອນໄຫວເສີມທາດ Urani, ຍ້າຍບັນດາວັດຖຸທີ່ໄດ້ຮັບການເສີມແລ້ວ ແລະ ອອກຈາກອີຣານ. ທ່ານນາຍົກລັດຖະມົນຕີ Benjamin Netanyahu ໄດ້ສະແດງຄວາມວິຕົກກັງວົນວ່າ ບັນດາການເຈລະຈາທີ່ຈະມາເຖິງກັບອີຣານ ອາດບໍ່ບັນລຸໄດ້ຂໍ້ຕົກລົງໃດໆ. ມາຮອດປະຈຸບັນ, ສະຫະປະຊາຊາດໄດ້ຈັດວາງຄຳສັ່ງລົງໂທດຕໍ່ອີຮານ 4 ຄັ້ງ ເພາະສົງໄຊວ່າປະເທດນີ້ຊອກຫາວິທີຜະລິດອາວຸດນິວເຄຼຍ ຜ່ານການພັດທະນາເຕັກໂນໂລຊີ ແລະ ເຄື່ອນໄຫວເສີມທາດ Uranium.
