( vovworld ) – ວັນທີ 1/5, ຢູ່ນະຄອນ Dong Ha, ແຂວງ Quang Tri ໄດ້ຈັດພິທີໂຮມຊຸນນຸມມິດຕິງສະເຫຼີມສະຫຼອງ 40 ປີແຫ່ງວັນປົດປ່ອຍ ( 1/5/1972 – 1/5/2012 ). ທ່ານ Dinh The Huynh, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງພັກ, ບັນດາຜູ້ຕາງໜ້າບັນດາກະຊວງ, ຂະແໜງການສູນກາງ ແລະ ທ້ອງຖິ່ນ, ບັນດາຜູ້ຕາງໜ້າການນຳບັນດາແຂວງ ສາລະວັນ, ສະຫວັນນະເຂດ ຂອງປະເທດລາວ ພ້ອມກັບປະຊາຊົນເຂົ້າຮ່ວມພິທີຢ່າງຫຼວງຫຼາຍ. ກ່າວຄຳເຫັນນະທີ່ນີ້, ທ່ານ Dinh The Huynh ໄດ້ຢືນຢັນວ່າ; ໄຊຊະນະອັນໃຫຍ່ຫຼວງຂອງບັ້ນຮົບປົກປ່ອຍ Quang Tri ແລະ ການຕໍ່ສູ້ທີ່ອົງອາດກ້າແກ່ນຕ້ານສັດຕູເພື່ອປົກປັກຮັກສາເທດສະບານເມືອງ Quang Tri, ກຳແພງເກົ່າ Quang Tri ຂອງທະຫານ ແລະ ປະຊາຊົນຫວຽດນາມ ໄດ້ສົ່ງຜົນສະທ້ອນໂດຍກົງເຮັດໃຫ້ສະພາບການຢູ່ສະໜາມຮົບພາກໃຕ້ປ່ຽນແປງໄປ, ບັງຄັບໃຫ້ອາເມລິກາ ເຊັນສັນຍາປາຣີ, ຖອນທະຫານກັບຄືນເມືອປະເທດ, ປະກອບສ່ວນສ້າງທ່ວງທ່າ ແລະ ກຳລັງໃໝ່, ຍູ້ແຮງກັນຕໍ່ຕ້ານ ຕ້ານຈັດກະພັດອາເມລິກາ ກູ້ຊາດ, ປະກອບສ່ວນຍາດໄດ້ມະຫາໄຊໃນລະດູບານໃໝ່ປີ 1975 ແຫ່ງປະຫວັດສາດ, ປົດປ່ອຍພາກໃຕ້ຢ່າງສົມບຸນ, ໂຮມປະເທດຊາດເປັນເອກະພາບ. ສ່ວນທ່ານ Le Huu Phuc ,ເລຂາພັກແຂວງ ແຂວງ Quang Tri, ໃນສຸນທອນພົດທີ່ພິທີໄດ້ຊີ້ແຈ້ງວ່າ.
“ ໝາກຜົນທີ່ບັນລຸໄດ້ພາຍຫຼັງ 40 ປີແມ່ນບັນດາຜົນງານທີ່ໃຫຍ່ຫຼວງ ແລະ ມີຄວາມໝາຍ, ສ້າງທ່າແຮງ ແລະ ກຳລັງທີ່ເຂັ້ມແຂງເພື່ອໃຫ້ Quang Tri ພ້ອມກັບທົ່ວປະເທດສືບຕໍ່ເຂົ້າສູ່ໄລຍະພັດທະນາໃໝ່. ໜ້າທີ່ສຳຄັນອັນດັບໜື່ງໃນໄລຍະທີ່ຈະມາເຖິງແມ່ນເສີມຂະຫຍາຍຈິດໃຈສາມັກຄີເປັນເຈົ້າການມີຫົວຄິດປະດິດສ້າງ, ເຈດຈຳນົງປະຕິວັດຂຸດຄົ້ນບັນດາຄວາມສາມາດບົ່ນຊ້ອນທີ່ມີຢູ່ແລ້ວຢ່າງມີປະສິດທິຜົນ… ສ້າງບາດກ້າວຢ່າງແຮງກ່ຽວກັບການພັດທະນາເສດຖະກິດ, ພັດທະນາພາລະກິດການສຶກສາ, ສາທາລະນະສຸກ, ວັດທະນະທຳສັງຄົມໃຫ້ດີກວ່າອີກ ”.
