 ພາບປະກອບ: VOV |
ວັນທີ 4 ທັນວາ, UNESCO ໄດ້ປະກາດເອົາ 72 ນະຄອນ ຂອງ 46 ປະເທດ ໄດ້ຮັບຮູ້ແມ່ນສະມາຊິກເຄືອຂ່າຍບັນດານະຄອນ ຮ່ຳຮຽນທົ່ວໂລກຂອງ UNESCO ເປັນທາງການ, ໃນນັ້ນມີນະຄອນຫຼວງຮ່າໂນ້ຍຂອງ ຫວຽດນາມ. ນາມມະຍົດນີ້ແມ່ນການຢັ້ງຢືນຂອງປະຊາຄົມສາກົນ ຕໍ່ກັບບັນດາຄວາມມານະພະຍາຍາມທີ່ໝັ້ນໜຽວ, ມີຫົວຄິດປະດິດສ້າງຂອງນະຄອນຮ່າໂນ້ຍ ໃນການສ້າງສັງຄົມແຫ່ງການຮ່ຳຮຽນທີ່ຮອບດ້ານ ເຊິ່ງແມ່ນບ່ອນທີ່ປະຊາຊົນໝົດທຸກຄົນລ້ວນແຕ່ມີໂອກາດຮ່ຳຮຽນຕະຫຼອດຊີວິດ, ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມແບບຍືນຍົງ, ມີຫົວຄິດປະດິດສ້າງ ແລະ ກວມລວມ. ການເຂົ້າຮ່ວມເຄືອຂ່າຍບັນດານະຄອນຮ່ຳຮຽນທົ່ວໂລກ ຈະຊ່ວຍໃຫ້ນະຄອນຫຼວງຮ່າໂນ້ຍ ມີໂອກາດແລກປ່ຽນແນວຄວາມຄິດ, ພູມປັນຍາ ແລະ ບົດຮຽນປະສົບການດ້ວຍບັນດານະຄອນຮ່ຳຮຽນອື່ນໆໃນທົ່ວໂລກແລະ ກັບບັນດານັກຊ່ຽວຊານແຖວໜ້າໂລກກ່ຽວກັບການສຶກສາຕື່ມອີກ.
