WHO ກ່າວເຕືອນວ່າ: ຢາສູບອາດຈະເຮັດໃຫ້ 1 ຕື້ຄົນຖືກເສຍຊີວິດ
(vovworld) - ໃນສະຕະວັດທີ 20, ບັນດາພະຍາດທີ່ກ່ຽວຂ້ອງເຖິງຢາສູບ ໄດ້ເຮັດໃຫ້ 100 ລ້ານຄົນໃນໂລກຖືກເສຍຊີວິດ ແລະ ຕົວເລກດັ່ງກ່າວອາດຈະຂຶ້ນເຖິງ 1 ຕື້ຄົນໃນສະຕະວັດທີ 21 ຖ້າຫາກບໍ່ມີມາດຕະການທີ່ມີປະສິດທິຜົນເພື່ອສະກັດກັ້ນ. ນັ້ນແມ່ນຄຳກ່າວເຕືອນຂອງອົງການອະນາໄມໂລກ (ຫຼື WHO) ຍົກອອດມາ ເນື່ອງໃນໂອກາດວັນໂລກປອດຢາສູບ (31/5) ປີນີ້. ວັນທີ 30/5, ກ່າວຄຳເຫັນເນື່ອງໃນໂອກາດນີ້, ທ່ານ Margaret Chan, ຜູ້ອຳນວຍການໃຫຍ່ WHO ໃຫ້ຮູ້ວ່າ: ປະຈຸບັນ, ປະມານ 20% ຈຳນວນປະຊາກອນໃນໂລກ ຕິດຢາສູບ, ພິເສດແມ່ນບັນດາພາກພື້ນຄື: ເອີລົບ, ອາເມລິກາ ລາຕີນ ແລະ ບາງປະເທດຢູ່ ອາຊີ, ໃນຂະນະທີ່ເກັ່ນອາຍຸຂອງຜູ້ຕິດຢາສູບນັບມື້ນັບຕຳ່ລົງ. ເນື່ອງໃນໂອກາດນີ້, ຜູ້ອຳນວຍການໃຫຍ່ WHO ກໍຮຽກຮ້ອງການນຳບັນດາປະເທດ ແລະ ປະຊາຄົມໂລກ ຕ້ອງລະມັດລະວັງກ່ວາອີກ ຕໍ່ການກ່າວໂຈມຕີທີ່ “ຂະຫຍັນຂັນເຄື່ອນ ແລະ ຫຼາຍຮູບຫຼາຍແບບ” ຂອງຂະແໜງອຸດສາຫະກຳຜະລິດຢາສູບ ເພື່ອແນໃສ່ ຄັດຄ້ານບັ້ນເຄື່ອນໄຫວຕ້ານຢາສູບທົ່ວໂລກ.
ເນື່ອງໃນໂອກາດວັນໂລກປອດຢາສູບ, ເພື່ອແນໃສ່ຊ່ວຍໃຫ້ບັນດາລັດຖະບານ ປົກປ້ອງຜົນງານທີ່ບັນລຸໄດ້ໃນບັ້ນເຄື່ອນໄຫວຕ້ານຢາສູບ ແລະ ປົກປັກຮັກສາສຸຂະພາບມະນຸດຕໍ່ຜົນຮ້າຍຂອງຢາສູບ, WHO ໄດ້ປະກາດບັນດາເອກະສານດ້ານວິຊາການ ແລະ ການແນະນຳຕ່າງໆ ເພື່ອຕ້ານບັນດາຄວາມພະຍາຍາມທາງກົດໝາຍຂອງບັນດາບໍລິສັດຜະລິດຢາສູບທົ່ວໂລກ. WHO ກໍຮຽກຮ້ອງໃຫ້ລັດຖະບານທຸກໆ ປະເທດ ບໍໍ່ສະຫງວນບຸລິມະສິດໃດໆໃຫ້ແກ່ຂະແໜງຜະລິດຢາສູບ.
