(VOVWORLD) -ໂລກລະບາດໂຄວິດ 19 ໄດ້ສົ່ງຜົນກະທົບຢ່າງຫຍໍ້ທໍ້ເຖິງທຸກດ້ານໃນຊີວິດ ເສດຖະກິດ ສັງຄົມຂອງຫວຽດນາມ. ເຖິງວ່າ ການຜະລິດດຳເນີນທຸລະກິດ ປະສົບກັບຄວາມຫຍຸ້ງຍາກຫລາຍຢ່າງກໍຕາມ ແຕ່ການເຕີບໂຕເສດຖະກິດ ຍັງຄົງບັນລຸຢູ່ໃນລະດັບສູງ; ເສດຖະກິດມະຫາພາກມີຄວາມສະຖຽນລະພາບ; ໄພເງິນເຟີ້ ໄດ້ຮັບການຄວບຄຸມ; ບັນດາການດຸ່ນດ່ຽງໃຫຍ່ໄດ້ຮັບການຮັບປະກັນ.. ພ້ອມກັບຜົນສຳເລັດຂອງການຄວບຄຸມໂລກລະບາດໂຄວິດ 19 ແລະ ບັນດາໝາກຜົນດີພໍສົມຄວນຂອງພື້ນຖານເສດຖະກິດນັ້ນ ໄດ້ປັບປຸງຄວາມໄວ້ເນື້ອເຊື່ອໃຈຂອງວິສາຫະກິດ, ສ້າງພື້ນຖານ, ປະຖົມປັດໄຈອັນໝັ້ນແກ່ນໃຫ້ແກ່ການຟື້ນຟູການຜະລິດດຳເນີນທຸລະກິດ.