ສູນບໍລິການພະລາທິການ-ເຕັກນິກເກາະ ຊິງໂຕນ ມີຄວາມຄຶກຄື້ນດ້ວຍບັນດາວຽກງານພວມປະຕິບັດນັບແຕ່ຊຸມວັນຕົ້ນປີ. ພວມພ້ອມກັນນັ່ງອ້ອມພາເຂົ້າທ່ຽງ, ບັງເອີນໄດ້ຍິນສັນຍານສຸກເສີນຈາກເຮືອຫາປາ QNG TS 96435 ຂະນະທີ່ພວມຫາປາຢູ່ເຂດຫາປາ ເຈື່ອງຊາ ຫ່າງຈາກເກາະ ຊິງໂຕນ ປະມານ 50 ໄມທະເລ, ບັນດາພະນັກງານໃນສູນມີຄວາມຟ້າວຟັ່ງຖ່າຍເຄື່ອງ, ນຸ່ງເສື້ອທູນ ແລະ ອຸ່ນເຄື່ອງຈັກກ່ຳປັ່ນກູ້ໄພ ເພື່ອແລ່ນໄປຫາກ່ຳປັນພວມຕິດຂັດ. ຫາກໍ່ເລີ່ມເດີນທະເລຍັງບໍ່ທັນໄດ້ອາທິດ, ແຕ່ເຮືອຫາປາ QNG TS 96435 ໂດຍກັບຕັນ ແມ່ນອ້າຍດິງວັນລຶກ ຊາວແຂວງ ກວ໋າງຫງາຍ ຖືກຕິດຂັດເຄື່ອງຈັກ ຂະນະທີ່ພວມເດີນທະເລໄປຫາປາ ຢູ່ເຂດຫາປາທະເລເຈື່ອງຊາ. ພາຍຫຼັງນຳກ່ຳປັ່ນລຳດັ່ງກ່າວໄປຍັງສູນເປັນເວລາເກືອບ 1 ວັນ, ຊາວປະມົງທັງໝົດໃນເຮືອໄດ້ເຂົ້າທຽບທ່າຢູ່ສູນການບໍລິການ ຊິງໂຕນ ດ້ວຍຄວາມປອດໄພ, ເຂົາເຈົ້າໄດ້ຮັບຄວາມເອົາໃຈໃສ່ທາງດ້ານການກິນ ການຢູ່ ແລະ ຖືກສ້ອມແປງເຮືອໂດຍບໍ່ເກັບຄ່າ, ໄດ້ຮັບການສະໜອງນ້ຳຈືດ ແລະ ເຂົ້າສານ. ອ້າຍ ດິງວັນລຶກ ແບ່ງປັນວ່າ ເຮືອເພໃນຂະນະທີ່ພວມແລ່ນບົນເສັ້ນທາງທະເລ ແລະ ໄດ້ຮັບການຊ່ວຍເຫຼືອຈາກສູນບໍລິການຢ່າງວ່ອງໄວ, ພະນັກງານໃນສູນໄດ້ກວດກາແກ້ໄຂຢ່າງວ່ອງໄວ, ດ້ວຍເວລາກວ່າ 3 ຊົ່ວໂມງ, ເຮືອໄດ້ຖືກສ້ອມແປງຮຽບຮ້ອຍແລ້ວ ເພື່ອໃຫ້ຊາວປະມົງສືບຕໍ່ເດີນທະເລຫາປາ, ເມື່ອເຮືອຖືກຕິດຂັດ ອ້າຍນ້ອງໃນເຮືອກໍ່ມີຄວາມເປັນຫວ່ງທີ່ສຸດ ເພາະວ່າເຮືອລຳໃໝ່ຫາກໍ່ແລ່ນໄດ້ສອງສາມມື້, ຖ້າບໍ່ແກ້ໄຂຢ່າງທັນເວລາ ກໍ່ຈະເປັນອັນຕະລາຍໃຫ້ແກ່ທຸກໆຄົນໃນເຮືອ ກໍ່ຄືເຮືອຫາປາເອງ. ອ້າຍ ດິງວັນລຶກ ເວົ້າວ່າ:

   “ພວກອ້າຍຢູ່ສູນບໍລິການພະລາທິການ-ເຕັກນິກເກາະ ຊິງໂຕນ ໄດ້ໃຫ້ການຊ່ວຍເຫຼືອຢ່າງສຸດໃຈ, ສ້າງເງື່ອນໄຂເພື່ອໃຫ້ອ້າຍນ້ອງໃນເຮືອມີຄວາມສະດວກໃນການໄປທຳມາຫາກິນຢູ່ກາງທະເລ, ເມື່ອມີບ່ອນຊ່ວຍຊາວປະມົງດ້ວຍການສ້ອມແປງເຮືອ, ສະໜອງນ້ຳ, ນ້ຳມັນເພື່ອໃຫ້ຊາວປະມົງມີຄວາມອຸ່ນອ່ຽນໃຈເດີນທະເລຫາປານັ້ນ, ພວກຂ້າພະເຈົ້າກໍ່ມີຄວາມອຸ່ນອ່ຽນໃຈ ຫຼາຍ”.

  ເຮືອຫາປາຂອງອ້າຍ ລຶກ ພຽງແຕ່ແມ່ນລຳໜຶ່ງ ໃນຈຳນວນ 100 ລຳໄດ້ຮັບການສະໜອງການບໍລິການສ້ອມແປງໂດຍບໍ່ເກັບຄ່າຈາກສູນໃນໄລຍະກວ່າ 1 ປີທີ່ຜ່ານມາ. ບໍ່ພຽງແຕ່ເທົ່ານັ້ນ, ທາງສູນກໍ່ໄດ້ໃຫ້ການຊ່ວຍກູ້ຢ່າງທັນການສຳລັບ 20 ກໍລະນີ, ສະໜອງນ້ຳຈືດກວ່າ 500 ແມັດກ້ອນ, ສະໜອງນ້ຳມັນດ້ວຍລາຄາຄືຢູ່ດິນຕໍ່ແຜ່ນ. ດ້ວຍບັນດາການບໍລິການທີ່ຈຳເປັນໃຫ້ຊາວປະມົງເດີນທະເລຫາປາໃນໄລຍະຍາວ ແລະ ຖັນແຖວນາຍຊ່າງສ້ອມແປງເຮືອທີ່ມີຄວາມຊຳນານງານ, ບັນດາສູນບໍລິການພະລາທິການ-ເຕັກນິກ ໃນເມືອງ ເກາະເຈື່ອງຊາ ໄດ້ກາຍເປັນບ່ອນອີງທີ່ໝັ້ນຄົງໜັກແໜ້ນໃຫ້ແກ່ຊາວປະມົງໃຫ້ມີຄວາມໝັ້ນໃຈເດີນທະເລຫາປາ. ພັນຕີ ຟ້າມວັນກຽມ ຫົວໜ້າກອງເຕັກນິກສັງກັດສູນບໍລິການພະລາທິການ-ເຕັກນິກ ເກາະ ຊິງໂຕນ ໃຫ້ຮູ້ວ່າ:

  “ບັນດາວັດຖຸ, ພາຫະນະອຸປະກອນຂອງສູນ ເຖິງວ່າຍັງບໍ່ທັນຄົບຖ້ວນກໍ່ຕາມ ແຕ່ອ້າຍນ້ອງໃນກອງຍາມໃດກໍ່ມານະພະຍາຍາມຢ່າງສຸດຂີດ ໜູນໃຊ້ປັນຍາຄວາມສາມາດຂອງຕົນເພື່ອສ້ອມແປງເຮືອຖືກຕິດຂັດເປ່ເພໃຫ້ແກ່ຊາວປະມົງ. ເມື່ອສ້ອມແປງເຮືອໄດ້ສຳເລັດໃນແຕ່ລະເທື່ອ, ພວກຂ້າພະເຈົ້າມີຄວາມດີໃຈ ແລະ ເອກອ້າງທະນົງໃຈ ເພາະວ່າ ເຮົາໄດ້ຮຽງບ່າຮຽງໄລ່ພ້ອມກັບຊາວປະມົງເດີນທະເລຫາປາ, ທັງເປັນການປ້ອງກັນອະທິປະໄຕຂອງປະເທດຊາດ”.

 ສູນບໍລິການພະລາທິການ-ເຕັກນິກເກາະ ຊິງໂຕນ ບໍ່ພຽງແຕ່ແມ່ນບ່ອນຊ່ວຍໜູນດ່ວນໃຫ້ແກ່ຊາວປະມົງ ເມື່ອປະສົບອຸປະຕິເຫດເທົ່ານັ້ນ ຫ