ໃນແຈ້ງການເຊິ່ງທ່ານໂຄສົກ Stephane Dujarric ປະກາດ, ທ່ານເລຂາທິການໃຫຍ່ Antonio Guterres ໄດ້ສະແດງໃຫ້ເຫັນການສະໜັບສະໜູນສຳລັບລັດຖະບານໃໝ່ຂອງອີຣັກ, ພ້ອມທັງຮຽກຮ້ອງໃຫ້ດຳເນີນການປະຕິຮູບເພື່ອປົວແປງການດຳລົງຊີວິດໃຫ້ແກ່ປະຊາຊົນ, ກໍຄືປັບປຸງບັນດາອົງການປະຊາທິປະໄຕຢູ່ປະເທດຕາເວັນອອກກາງນີ້. ທ່ານເລຂາທິການໃຫຍ່ສະຫະປະຊາຊາດ ໄດ້ສົ່ງເສີມການປະຕິບັດສຳເລັດວຽກງານສ້າງຕັ້ງລັດຖະບານໃໝ່ຂອງອີຣັກ ໂດຍໄວ, ນັບທັງການແຕ່ງຕັ້ງແມ່ຍິງດຳລົງຕຳແໜ່ງທີ່ຍັງຫວ່າງໃນຄະນະລັດຖະບານ. ທ່ານກໍ່ຢືນຢັນເຖິງຄຳໝັ້ນສັນຍາຂອງສະຫະປະຊາຊາດ ກ່ຽວກັບການໜູນຊ່ວຍປະຊາຊົນ ແລະ ລັດຖະບານອີຣັກ ຍູ້ໂລກລະບາດໂຄວິດ-19 ໃຫ້ຖອຍໄປ ແລະ ບັນລຸໄດ້ບັນດາເປົ້າໝາຍພັດທະນາແບບຍືນຍົງ.

ທ່ານ Kadhimi ໄດ້ສາບານຕົວເຂົ້າດຳລົງຕຳແໜ່ງນາຍົກລັດຖະມົນຕີອີຣັກ ໃນວັນທີ 06 ພຶດສະພາ ຜ່ານມາ, ພາຍຫຼັງດຳເນີນການເຈລະຈາດ້ານການເມືອງມາໄດ້ຫຼາຍອາທິດ.