ງານມະຫະກຳເວທີການສະແດງ ຮ່າໂນ້ຍ ເປີດກວ້າງ ປີ 2026 ໂດຍພະແນກວັດທະນະທຳ, ກິລາ ແລະ ທ່ອງທ່ຽວ ຮ່າໂນ້ຍ ສົມທົບກັບສະມາຄົມນັກສິລະປິນເວທີການສະແດງ ຫວຽດນາມ ຈັດຂຶ້ນ ຈະດຳເນີນແຕ່ວັນທີ 14 – 23 ຕຸລາ 2026 ດ້ວຍຫົວຂໍ້ “ເຕົ້າໂຮມບັນດາຄຸນຄ່າເວທີການສະແດງ, ແຜ່ກະຈາຍພະລັງການປະດິດສ້າງສິລະປະຂອງນະຄອນຫຼວງ”. ນີ້ແມ່ນເຫດການວັດທະນະທຳ, ສິລະປະພິເສດ ມຸ່ງໄປເຖິງວັນການສະເຫຼີມສະຫຼອງວັນປົດປ່ອຍນະຄອນຫຼວງ ຄົບຮອບ 72 ປີ (10/10/1954 – 10/10/2026), ປະຕິບັດລາຍການທີ 06 ຂອງຄະນະພັກ ນະຄອນຮ່າໂນ້ຍ ກ່ຽວກັບການຜັນຂະຫຍາຍປະຕິບັດມະຕິເລກທີ 80 ຂອງກົມການເມືອງ ວ່າດ້ວຍການພັດທະນາວັດທະນະທຳ ຫວຽດນາມ.
ງານມະຫະກຳເວທີການສະແດງ ນະຄອນຫຼວງ ປີນີ້ໄດ້ເຕົ້າໂຮມ 15 ຫົວໜ່ວຍສິລະປະມືອາຊີບຂອງສູນກາງ, ຮ່າໂນ້ຍ, ກຳລັງປະກອບອາວຸດໃນບໍລິເວນ ຮ່າໂນ້ຍ ແລະ ແຂວງ, ນະຄອນຈຳນວນໜຶ່ງໃນທົ່ວປະເທດ, ດ້ວຍ 15 ຜົນງານກັບຫຼາຍຮູບແບບເວທີການສະແດງ ຄື: ບົດລະຄອນເວົ້າ, ແຈ໊ວ, ຕ່ວງ, ກາຍເລືອງ, ກາຍຍະສິນ ແລະ ການຂັບຮ້ອງພື້ນເມືອງ ເງະຕິ້ງ. ບັນດາຜົນງານມີເນື້ອໃນອຸດົມສົມບູນ, ຫຼາຍຮູບຫຼາຍແບບ, ສ່ອງແສງຫຼາຍດ້ານຂອງຊີວິດສັງຄົມ; ແນະນຳຄວາມງາມຂອງປະເທດຊາດ, ຄົນ ຫວຽດນາມ; ພ້ອມກັນນັ້ນ ກໍ່ສົ່ງເສີມບັນດາບົດປະພັນທີ່ຕິດພັນກັບປະຫວັດສາດ, ວັດທະນະທຳ, ສະຖານທີ່ ແລະ ຄົນ ຮ່າໂນ້ຍ.
