ຢູ່ນະຄອນຫຼວງ Ljubljana, ສະໂລວາເນຍ , ວັນທີ 9 ຕຸລາ, ທ່ານ ຫວູເລທ້າຍຮ່ວາງ ເອກອັກຄະລັດຖະທູດ ຫວຽດນາມຢູ່ ໂອຕາລິດ ທັງປະຈຳ ສະໂລວາເນຍ ໄດ້ເຂົ້າຢ້ຽມຂ່ຳນັບ ແລະ ເຮັດວຽກກັບທ່ານ Tone Kajzer ລັດຖະມົນຕີການຕ່າງປະເທດ ສະໂລວາເນຍ, ເພື່ອແນໃສ່ຊຸກຍູ້ຜັນຂະຫຍາຍບັນດາການກຳນົດທິດຮ່ວມມືໂດຍລັດຖະມົນຕີກະຊວງການຕ່າງປະເທດ ສອງປະເທດ ເປັນເອກະພາບຢູ່ນອກກອງປະຊຸມໃຫຍ່ຄັ້ງທີ 81 ຂອງ ສປຊ ຢູ່ນິວຢອກເມື່ອເດືອນກັນຍາຜ່ານມາ. ທີ່ການພົບປະ, ສອງຝ່າຍໄດ້ເຫັນດີເປັນເອກະພາບເພີ່ມທະວີການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ພິເສດໃນບັນດາຂົງເຂດວິທະຍາສາດ - ເຕັກໂນໂລຢີ, ປັນຍາປະດິດ, ນະວັດຕະກຳ, ເຕັກໂນໂລຢີຊີວະສາດ, ພະລັງງານສີຂຽວ, ໄຟຟ້ານິວເຄຼຍ ແລະ logistics. ທ່ານ ຫວູເລທ້າຍຮ່ວາງ ເອກອັກຄະລັດຖະທູດ ສະເໜີ ສະໂລວາເນຍ ໃຫ້ສັດຕະຍາບັນສັນຍາອາລັກຂາການລົງທຶນ ຫວຽດນາມ - EU (EVIPA)ໂດຍໄວ, ມີສຽງເວົ້າສະໜັບສະໜູນເລື່ອງສະຫະພາບ ເອີລົບ (EU) ແກ້ບັດເຫຼືອງ ກ່ຽວກັບການຂຸດຄົ້ນສິນໃນທະເລແບບຜິດກົດໝາຍ, ບໍ່ລາຍງານ ແລະ ບໍປະຕິບັດຕາມຂໍ້ກຳນົດ (IUU) ໂດຍໄວສຳລັບສິນໃນນ້ຳສົ່ງອອກຂອງ ຫວຽດນາມ; ພ້ອມທັງຊຸກຍູ້ການຮ່ວມມືລະຫວ່າງທ່າກຳປັ່ນ Koper ແລະ ບັນດາທ່າກຳປັ່ນທະເລ ຫວຽດນາມ, ເຊື່ອມຕໍ່ວິສາຫະກິດ ແລະ ທ້ອງຖິ່ນສອງປະເທດ.
