ໃນຖະແຫຼງການສະບັບໜຶ່ງທີ່ໄດ້ຍົກອອກມາໃນວັນທີ 13 ສິງຫາ, ທ່ານປະທານາທິບໍດີ ອາເມລິກາ Donald Trump ໄດ້ນາບຂູ່ວ່າ ຈະຖອນຕົວອອກຈາກ ອົງການການຄ້າໂລກ (WTO) ຖ້າຫາກວ່າ ອົງການດັ່ງກ່າວບໍ່ປັບປຸງບັນດາມາດຕາ, ຂໍ້ກໍານົດ ເຊິ່ງຕາມທ່ານຖືວ່າ “ລໍາອຽງ” ສໍາລັບ ຈີນ. ກ່ອນໜ້ານັ້ນ, ທ່ານ Donald Trump ເຄີຍນາບຂູ່ຈະຖອນຕົວອອກຈາກ WTO, ໂດຍໄດ້ຕໍາໜິຕິຕຽນອົງການດັ່ງກ່າວວ່າ ມີການປະພຶດບໍ່ຍຸຕິທໍາກັບອາເມລິກາ, ພ້ອມທັງຢ້ັງຢືນວ່າ ວໍຊິງຕັນ ບໍ່ຕ້ອງການປະຕິບັດຕາມບັນດາຫຼັກການຂອງອົງການການຄ້າສາກົນນີ້.