ວັນ​ທີ 3 ຕຸ​ລາ, “ວັນ​ຫວຽດ​ນາມ​ຢູ່​ເຂດ​ຕາ​ເວັນ​ອອກ​ໄກ 2026” ໄດ້​ດຳ​ເນີນ​ຢູ່​ນະ​ຄອນ Vladivostok, ສະ​ຫະ​ພັນ ລັດ​ເຊຍ. ເຫດ​ການ​ໂດຍ​ສະ​ຖານ​ກົງ​ສູນ​ໃຫຍ່ ຫວຽດ​ນາມ ປະ​ຈຳ Vladivostok ປະ​ສານ​ສົມ​ທົບ​ກັບ​ອຳ​ນາດ​ການ​ປົກ​ຄອງ​ນະ​ຄອນ Vladivostok ຈັດ​ຂຶ້ນ, ສ້າງ​ຂີດ​ໝາຍ​ເປັນ​ຄັ້ງ​ທຳ​ອິດ ວັນ​ບຸນ ວັດ​ທະ​ນະ​ທຳ - ເສດ​ຖະ​ກິດ - ການ​ທ່ອງ​ທ່ຽວ​ເຂັ້ມ​ຂຸ້ນ​ໄປ​ດ້ວຍ​ສີ​ສັນ ຫວຽດ​ນາມ ໄດ້​ຈັດ​ຂຶ້ນ​ຢູ່​ເຂດ ທາງ​ທິດ​ຕາ​ເວັນ​ອອກ​ໄກ​ຂອງ ລັດ​ເຊຍ. ກ່າວ​ຄຳ​ເຫັນ​ທີ່​ເຫດ​ການ, ທ່ານ ຫງວຽນ​ວຽດ​ກຽນ ຫົວ​ໜ້າ​ສະ​ຖານກົງ​ສູນ​ຫວຽດ​ນາມ ປະ​ຈຳ Vladivostok ເນັ້ນ​ໜັກ​ວ່າ ເຫດ​ການ​ເພື່ອ​ແນ​ໃສ່​ແນະ​ນຳ​ປະ​ເທດ​ຊາດ, ຊາວ ຫວຽດ​ນາມ ໄປ​ຍັງ​ເພື່ອນ​ມິດ​ລັດ​ເຊຍ, ພ້ອມ​ທັງ​ປະ​ກອບ​ສ່ວນ​ເພີ່ມ​ທະ​ວີ​ການ​ພົບ​ປະ​ແລກ​ປ່ຽນ​ປະ​ຊາ​ຊົນ ແລະ ເປີດກວ້າງ​ໂອ​ກາດ​ຮ່ວມ​ມື​ໃນ​ບັນ​ດາ​ຂົງ​ເຂດ​ວັດ​ທະ​ນະ​ທຳ, ເສດ​ຖະ​ກິດ, ການ​ຄ້າ ແລະ ການ​ທ່ອງ​ທ່ຽວ.