(VOVWORLD) - ສຳລັບຊາວ ຫວຽດນາມ ທຸກຄົນ, ວັນໄຫວ້ບູຊາເຈົ້າຊີວິດຮຸ່ງ - ງານບຸນ ວິຫານຮຸ່ງ ໄດ້ກາຍເປັນສັນຍາລັກທາງດ້ານຈິດໃຈ ແລະ ຄວາມຮັບຮູ້ກ່ຽວກັບກົກເຄົ້າເຫງົ້າກໍ ແລະ ເປັນບ່ອນເຕົ້າໂຮມບັນດາສີສັນ ແລະ ຄຸນຄ່າວັດທະນະທຳທີ່ເປັນເອກະລັກຂອງຊາດ ຫວຽດນາມ. ໃນນັ້ນ, ປະກົດການລະອຽດທີ່ສຸດແມ່ນການເຫຼື້ອມໃສໄຫວ້ບູຊາເຈົ້າຊີວິດຮຸ່ງ, ຮີດຫໍ່ເຂົ້າຕົ້ມ, ຕຳເຂົ້າໜົມໄຢ, ຖະຫວາຍເຄື່ອງບູຊາບັນພະບຸລຸດທີ່ໄດ້ປະຕິບັດແຕ່ສະໄໝເຈົ້າຊີວິດຮຸ່ງສ້າງຕັ້ງປະເທດ ຕະຫຼອດຮອດການສະແດງສິລະປະຂັບຊວານ, ເຊິ່ງເປັນມໍລະດົກວັດທະນະທຳບໍ່ເປັນວັດຖຸ ຕົວແທນຂອງມວນມະນຸດ.