(VOVWORLD) -ທະເລຕາເວັນອອກ ແມ່ນເຂດທະເລຍຸດທະສາດຢູ່ ອາຊີ ພວມນັບມື້ນັບດຶງດູດຄວາມສົນໃຈຈາກສາກົນ, ໃນນັ້ນ ມີການແກ້ງແຍ່ງຍຸດທະສາດຂອງບັນດາປະເທດໃຫຍ່ພວມພົ້ນເດັ່ນຂຶ້ນນັບມື້ນັບຮ້າຍແຮງ. ໄລຍະຜ່ານມາ ຫລາຍປະເທດຢູ່ແຄມທະເລຕາເວັນອອກ ລະອຽດແມ່ນ ອາຊຽນ ໄດ້ສະແດງທັດສະນະ, ເຮັດແຈ້ງຫລັກໝັ້ນດ້ານນິຕິກຳຢູ່ ທະເລຕາເວັນອອກ ຜ່ານບັນດາຈົດໝາຍການທູດທີ່ໄດ້ແລກປ່ຽນຢູ່ ສະຫະປະຊາຊາດ ພ້ອມກັບບັນດາຄຳຖະແຫລງຢ່າງລະອຽດ. ຜ່ານນັ້ນ ໄດ້ຊີ້ໃຫ້ເຫັນວ່າ ບັນດາປະເທດ ນັບມື້ນັບຖືເປັນສຳຄັນບົດບາດ ແລະ ຄຸນຄ່າດ້ານກົດໝາຍສາກົນ, ຢັ້ງຢືນບົດບາດໃຈກາງຂອງ ອາຊຽນ ໃນການແກ້ໄຂບັນດາຄວາຂັດແຍ້ງກັນຢູ່ທະເລຕາເວັນອອກ.