ວັນທີ 14 ມັງກອນ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ນໍາໜ້າຄະນະຜູ້ແທນສະພາແຫ່ງຊາດຫວຽດນາມ ເຂົ້າຮ່ວມກອງປະຊຸມ ເວທີປາໄສ ລະຫວ່າງລັດຖະສະພາ ອາຊີ - ປາຊີຟິກ ຄັ້ງທີ 27 (APPF 27), ເຊິ່ງຖືກຈັດຂຶ້ນຢູ່ ກໍາປູເຈຍ. ເລື່ອງການນໍາສູງສຸດຂອງສະພາແຫ່ງຊາດ ຫວຽດນາມ ເຂົ້າຮ່ວມເຫດການດັ່ງກ່າວ ໄດ້ສະແດງໃຫ້ເຫັນວ່າ ຫວຽດນາມ ຖືເປັນສໍາຄັນສໍາລັບການຮ່ວມມືລະຫວ່າງລັດຖະສະພາ ຂອງພາກພື້ນ ພ້ອມທັງກໍເປັນກາລະໂອກາດ ເພື່ອໃຫ້ຫວຽດນາມ ສືບຕໍ່ປະກອບສ່ວນເຂົ້າໃນວິວັດແຫ່ງການພັດທະນາຂອງ APPF.          ເວທີປາໄສ APPF ຖືກສ້າງຕັ້ງຂຶ້ນແຕ່ປີ 1993, ນີ້ແມ່ນເວທີປາໄສ ທີ່ສະຫງວນໃຫ້ບັນດາສະມາຊິກລັດຖະສະພາ, ລັດຖະສະພາບັນດາປະເທດໃນພາກພື້ນ ອາຊີ - ປາຊີຟິກ. ປັດຈຸບັນ, APPF ມີ ທັງໝົດ 27 ລັດຖະສະພາສະມາຊິກ ໃນນັ້ນມີ ອົດສະຕາລີ, ກໍາປູເຈຍ, ການາດາ, ຈີເລ, ໂກລົມເບຍ, ຈີລີ, ໂອກົວດໍ, ອິນໂດເນເຊຍ, ຍີ່ປຸ່່ນ, ສ.ເກົາຫຼີ, ລາວ, ມາເລເຊຍ, ຟິລິບປິນ, ລັດເຊຍ, ສິງກະໂປ, ໄທ, ອາເມລິກາ, ຫວຽດນາມ... ຫວຽດນາມ ເຂົ້າເປັນສະມາຊິກຂອງ APPF ເມື່ອເດືອນ ມັງກອນ 1995.