ລາຍການສະແດງສິລະປະທີ່ພິທີໄຂກອງປະຊຸມສຸດຍອດອາຊຽນ ຄັ້ງທີ 37 (ພາບ: baoquocte.vn) ອາດເວົ້າໄດ້ວ່າ ໃນປະຫວັດສາດ 53 ປີແຫ່ງການສ້າງຕັ້ງຂອງ ອາຊຽນ, ຍັງບໍ່ທັນມີເວລາໃດ ອາຊຽນ ປະສົບກັບສິ່ງທ້າທາຍຫລາຍຢ່າງຄືປະຈຸບັນ. ໂລກລະບາດໂຄວິດ 19 ໄດ້ເຮັດໃຫ້ທຸກວິທີການຮ່ວມມືທີ່ເປັນມູນເຊື້ອຂອງ ອາຊຽນ ຖືກຕ່າວປີ້ນ. ເຖິງຢ່າງໃດກໍຕາມໃນສະພາບການັ້ນ ອີກຄັ້ງຫນຶ່ງ ຄຸນທາດຂອງປະຊາຄົມອາຊຽນ ພັດສະແດງໃຫ້ເຫັນຢ່າງຈະແຈ້ງ, ຄວາມສະຫນິດຕິດພັນຢ່າງແຫນ້ນແຟ້ນລະຫວ່າງບັນດາປະເທດສະມາຊິກ,ສ້າງເປັນກຳລັງແຮງສັງລວມ ເພື່ອຍາດແຍ່ງບັນດາກາລະໂອກາດຢ່າງມີປະສິດທິຜົນ, ມີຄວາມເຂັ້ມແຂງເພື່ອຜ່ານຜ່າສິ່ງທົດສອບ. ຕໍ່ຈາກບັນດາການເຄື່ອນໄຫວ ນັບແຕ່ຕົ້ນປີ ມາຮອດປະຈຸບັນ, ກອງປະຊຸມສຸດຍອດ ອາຊຽນ ຄັ້ງທີ 37 ແມ່ນໂອກາດເພື່ອໃຫ້ ອາຊຽນ ສືບຕໍ່ຢັ້ງຢືນ ຄວາມສາມັກຄີ, ເຈດຈຳນົງດ້ານການເມືອງຢ່າງເຂັ້ມແຂງ ແລະ ຄວາມຕັດສິນໃຈບືນຕົວຂຶ້ນຜ່ານຜ່າຄວາມຫຍຸ້ງຍາກສິ່ງທ້າທາຍເພື່ອກ້າວຂຶ້ນ.