ວັນທີ 11 ກັນຍາ ຈະມາເຖິງແມ່ນຄົບຮອບ 21 ປີແຫ່ງວັນເກີດບັນດາເຫດກໍ່ການຮ້າຍທີ່ນອງເລືອດ ແນໃສ່ຕຶກອາຄານການຄ້າ 2 ຫຼັງ ຢູ່ນິວຢອກ ແລະ ສຳນັກງານກະຊວງປ້ອງກັນປະເທດ ອາເມລິກາ ຢູ່ ນະຄອນຫຼວງ ວໍຊິງຕັນ. ໃນກ່ວາ 2 ທົດສະວັດພາຍຫຼັງເກີດເຫດການທີ່ໄດ້ຮັບການຕີລາຄາວ່າແມ່ນ “ເຮັດໃຫ້ໂລກມີການປ່ຽນແປງ” ນີ້, ປະເທດ ອາເມລິກາ ແລະ ປະຊາຄົມສາກົນໄດ້ມານະພະຍາຍາມຫຼາຍຢ່າງ, ປະຕິບັດຫຼາຍບັ້ນຮົບຕ້ານກໍ່ການຮ້າຍດ້ວຍຫຼາຍຂອບຂະໜາດທີ່ແຕກຕ່າງກັນ. ແຕ່ວ່າ, ຍ້ອນຫຼາຍສາຍເຫດ, ບັ້ນຮົບຕ້ານກໍ່ການຮ້າຍໃນທົ່ວໂລກຍັງບໍ່ທັນສິ້ດສຸດລົງເທື່ອ ແລະ ມາຮອດປະຈຸບັນ, ລັດທິກໍ່ການຮ້າຍຍັງໄດ້ຮັບຖືວ່າແມ່ນໜຶ່ງໃນບັນດາສິ່ງທ້າທາຍອັນໃຫຍ່ຫຼວງສຳລັບຄວາມສະຖຽນລະພາບຂອງແຕ່ລະປະເທດ ແລະ ທົ່ວໂລກ.