ທ່ານນາຍົກລັດຖະມົນຕີຫວຽດນາມ ຫງວຽນຊັວນຟຸກ ທີ່ພິທີອັດ ກອງປະຊຸມສຸດຍອດອາຊຽນຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງ (ພາບ:   nhandan.com.vn )     ຜົນງານຂອງອາຊຽນປີ 2020 ແມ່ນຄວາມມານະພະຍາຍາມລວມຂອງທັງປະຊາຄົມອາຊຽນ ພ້ອມທັງສະແດງໃຫ້ເຫັນບົດບາດນຳພາຂອງຫວຽດນາມ ໃນຖານະຕຳແໜ່ງເປັນປະທານ. ດ້ວຍຮູບການທາງອອນລາຍ, ປີ 2020, ຫວຽດນາມ ໄດ້ຈັດຕັ້ງບັນດາກອງປະຊຸມຂັ້ນສູງ, ກອງປະຊຸມລັດຖະມົນຕີການຕ່າງປະເທດອາຊຽນ ແລະ ກອງປະຊຸມອາຊຽນ ກັບບັນດາຄູ່ຮ່ວມມືໃຫ່ຍ, ບັນດາອົງການຈັດຕັ້ງສາກົນສຳເລັດຜົນ. ພິເສດ, ກອງປະຊຸມສຸດຍອດອາຊຽນຄັ້ງທີ 37 ໄດ້ສິ້ນສຸດປີປະທານຂອງຫວຽດນາມ, ມີກ່ວາ 20 ການເຄື່ອນໄຫວຂັ້ນສູງ, ຮັບຮອງເອົາ, ຮັບຮູ້, ປະກາດເອກະສານກ່ວາ 80 ສະບັບ ຊື່ງເປັນຈຳນວນຫຼາຍກ່ວາໝູ່ນັບແຕ່ກ່ອນມາຮອດປະຈຸບັນ.