(VOVWORLD) - ປີ 2020, ຫວຽດນາມ ແລະ ບັນດາປະເທດໃນທົ່ວໂລກ ຕ້ອງປະເຊີນໜ້າກັບສິ່ງທ້າທາຍຫຼາຍຢ່າງທີ່ບໍ່ເຄີຍມີມາກ່ອນ ຍ້ອນໂລກລະບາດໂຄວິດ - 19 ກໍ່ຂຶ້ນ. ໃນສະພາບການປະສົບກັບຄວາມຫຍຸ້ງຍາກນາໆປະການນັ້ນ, ຫວຽດນາມ ໄດ້ຮັບດຳລົງ 2 ໜ້າທີ່ ນັ້ນແມ່ນ ປະທານ ອາຊຽນ ແລະ ກຳມະການບໍ່ປະຈຳການສະພາຄວາມໝັ້ນຄົງ ສປຊ ອາຍຸການ 2020 – 2021. ໃນຄວາມຫຍຸ້ງຍາກລຳບາກ ແລະ ສິ່ງທ້າທາຍນັ້ນ, ຫວຽດນາມ ໄດ້ມານະພະຍາຍາມຜ່ານຜ່າຄວາມຫຍຸ້ງຍາກ, ເປັນເຈົ້າການ, ມີໄຫວພິບ ແລະ ປະດິດຄິດສ້າງ, ທັງຮັບມືກັບໂລກລະບາດຢ່າງມີປະສິດທິຜົນ, ທັງປະຕິບັດບັນດາຄາດໝາຍການຕ່າງປະເທດທີ່ໄດ້ວາງອອກເປັນຢ່າງດີທີ່ສຸດ, ອັນໄດ້ສ້າງຄວາມປະທັບໃຈອັນດີງາມຫຼາຍຢ່າງຕໍ່ເພື່ອນມິດສາກົນ.