(VOVWORLD) -ປີ 2019 ແມ່ນປີທໍາອິດ ທີ່ຫວຽດນາມ ຜັນຂະຫຍາຍຄໍາສັ່ງຂອງຄະນະເລຂາສູນກາງພັກກອມມູນິດຫວຽດນາມ ກ່ຽວກັບການຍົກລະດັບການພົວພັນຕ່າງປະເທດຫຼາຍຝ່າຍເຂົ້າສູ່ລວງເລິກ, ຕັ້ງໜ້າເປັນເຈົ້າການເຂົ້າຮ່ວມບັນດາການເຄື່ອນໄຫວພົວພັນຕ່າງປະເທດເປັນຫຼາຍຮູບຫຼາຍແບບ, ຍົກອອກບັນດາຂໍ້ລິເລີ່ມ, ຂໍ້ສະເໜີແນະເພື່ອຕອບສະໜອງໄດ້ຕາມຄວາມສົນໃຈລວມຂອງບັນດາປະເທດ ແລະ ເໝາະສົມກັບຜົນປະໂຫຍດ ຂອງຫວຽດນາມ. ດ້ວຍບັນດາຜົນງານໃນການພົວພັນຕ່າງປະເທດ ທີ່ບັນລຸໄດ້ໃນປີ 2018, ດ້ວຍທ່າໄດ້ປຽບ ແລະ ກໍາລັງແຮງຂອງປະເທດໃນປັດຈຸບັນ, ຫວຽດນາມ ກຽມພ້ອມໃຫ້ແກ່ໄລຍະບຸກທະລຸໃໝ່, ຢັ້ງຢືນທີ່ຕັ້ງບົດບາດໃນບັນດາບັນຫາທົ່ວໂລກ.