(VOVWORLD) -ວັນທີ 18 ກັນຍາ, ສະພາສູງ ອາເມລິກາ ໄດ້ຮັບຮອງເອົາຮ່າງງົບປະມານປ້ອງກັນຊາດປີການເງິນ 2018, ລວມມູນຄ່າ 700 ຕື້ USD. ນີ້ແມ່ນລະດັບເພີ່ມຂຶ້ນຫລາຍພໍສົມຄວນເມື່ອທຽບໃສ່ລະດັບລາຍຈ່າຍຂອງປີ 2017 ແລະ ສູງກວ່າທົບເກືອບ 5% ເມື່ອທຽບໃສ່ລະດັບສະເຫນີຂອງທ່ານປະທານາທິບໍດີ ອາເມລິກາ Donald Trump. ກ່ອນອາເມລິກາ, ຫລາຍປະເທດກໍ່ຖະແຫລງເພີ່ມລາຍຈ່າຍດ້ານປ້ອງກັນຊາດໃນໄລຍະຈະມາເຖິງ. ເຖິງຢ່າງໃດກໍຕາມ, ເລື່ອງບັນດາປະເທດໃຫຍ່ເພີ່ມລາຍຈ່າຍດ້ານປ້ອງກັນຊາດກໍ່ຈະສົ່ງຜົນສະທ້ອນບໍ່ແມ່ນຫນ້ອຍເຖິງສັນຕິພາບ, ສະຖຽນລະພາບໃນໂລກ.