ລັດເຊຍ ແລະ ອາເມລິກາ ຕໍ່ກຳນົດເວລາສົນທິສັນຍາ New START
05/02/2021 07:54
(VOVWORLD) -ລັດເຊຍ ແລະ ອາເມລິກາ ຫາກໍໄດ້ຕໍ່ກຳນົດເວລາສົນທິສັນຍາຫຼຸດຜ່ອນອາວຸດບຸກໂຈມຕີຍຸດທະສາດໃໝ່ (New START) ຢ່າງເປັນທາງການ ກ່ອນທີ່ສົນທິສັນຍາສະບັບດັ່ງກ່າວຈະໝົດຜົນສັກສິດ ພຽງແຕ່ໜຶ່ງວັນ. ການຕໍ່ກຳນົດເວລາສົນທິສັນຍາສະບັບນີ້ ແມ່ນບາດກ້າວເລີ່ມຕົ້ນ ເພື່ອໃຫ້ໂລກສາມາດປັບປຸງກົນໄກຄວບຄຸມ ອາວຸດນິວເຄຼຍຄືນໃໝ່. ເຖິງຢ່າງໃດກໍຕາມ, ສົນທິສັນຍາສະບັບດັ່ງກ່າວ ຈະຊ່ວຍໃຫ້ສາຍພົວພັນລະຫວ່າງສອງປະເທດມະຫາອຳນາດນີ້ ດີຂຶ້ນຫຼືບໍ ຈຶ່ງແມ່ນ ສິ່ງທີ່ບັນດານັກສັງເກດການມີຄວາມສົນໃຈ.
ສົນທິສັນຍາ New START ໄດ້ລົງນາມໃນປີ 2010 ແລະ ມີຜົນສັກສິດໃນປີ 2011. ໃນນັ້ນ ໄດ້ກຳນົດວ່າ ບໍ່ໃຫ້ອາເມລິກາ ແລະ ລັດເຊຍ ສະສົມກາຍ 700 ລູກສອນໄຟຂ້າມທະວີບ ແລະ ເຮືອບິນຖີ້ມລູກລະເບີດຍຸດທະສາດກາຍ 700 ລູກ. ສົນທິສັນຍາສະບັບດັ່ງກ່າວ ກໍຈຳກັດປະລິມານຫົວລູກສອນໄຟນິວເຄຼຍ ແຕ່ລະຝ່າຍບໍ່ກາຍ 1.550 ຫົວ. ຕາມຂໍ້ຕົກລົງໃນເບື້ອງຕົ້ນແລ້ວ, ສົນທິສັນຍາສະບັບນີ້ ຈະໝົດຜົນສັກສິດໃນວັນທີ 5 ກຸມພາ 2021, ເຖິງຢ່າງໃດກໍຕາມ, ສອງຝ່າຍໄດ້ເຫັນດີນຳກັນວ່າ ຈະແກ່ຍາວສົນທິສັນຍາສະບັບນີ້ຕື່ມອີກ 5 ປີ, ໝາຍຄວາມວ່າຮອດວັນທີ 5 ກຸມພາ ປີ 2026.
TAG
VOV/VOVworld/New START/ລັດເຊຍ/ອາເມລິກາ/ລູກສອນໄຟຂ້າມທະວີບ
Related
