ໜຶ່ງໃນບັນດາຈຸດໃໝ່ຂອງເອກະສານຄັ້ງນີ້ແມ່ນ “ຄວາມຄາດຫວັງພັດທະນາປະເທດຊາດໃຫ້ຈະເລີນຮຸ່ງເຮືອງ, ມີຄວາມຜາສຸກ”, ພິເສດແມ່ນເນັ້ນໜັກເຖິງປັດໄຈ “ຜາສຸກ” ຂອງປະຊາຊົນ. ທ່ານ ເວືອງດີງເຫວ້, ເລຂາຄະນະພັກນະຄອນ ຮ່າໂນ້ຍ (ພາບ:  kinhtedothi.vn )         ຫວຽດນາມ ໄດ້ມີບັນດາບາດກ້າວກະໂດດຂັ້ນກ່ຽວກັບການຍົກສູງຄຸນນະພາບຊີວິດການເປັນຢູ່, ແມ່ນໜຶ່ງໃນບັນດາປະເທດທຳອິດ ປະຕິບັດເປົ້າໝາຍສະຫັດສະວັດກ່ຽວກັບການລົບລ້າງຄວາມອຶດຫິວຫລຸດຜ່ອນຄວາມທຸກຍາກໃຫ້ສຳເລັດກ່ອນກຳນົດ 10 ປີ. ທີ່ກອງປະຊຸມໃຫຍ່ອົງຄະນະພັກບັນດາທ້ອງຖິ່ນປີ 2020, ເຖິງວ່າວິທີການສຳຜັດແຕກຕ່າງກັນກໍ່ຕາມ ແຕ່ຫລາຍທ້ອງຖິ່ນໄດ້ວາງເປົ້າໝາຍຍົກສູງຄຸນນະພາບຊີວິດການເປັນຢູ່, ເຊິ່ງສະແດງໃຫ້ເຫັນຜ່ານດັດຊະນີຄວາມຜາສຸກຂອງປະຊາຊົນຕ້ອງໄດ້ຮັບການຍົກສູງຂຶ້ນ, ລວມມີ: ລາຍຮັບສູງກ່ວາ, ໄດຊົມໃຊ້ບັນດາບໍລິການສັງຄົມຢ່າງສະດວກກ່ວາ, ຮັບປະກັນຊີວິດການເປັນຢູ່ທາງດ້ານຈິດໃຈດີກ່ວາ.