(VOVWORLD)-ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີ ໄທ ປຣາຢຸດ ຈັນໂອຊາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ພັນລະຍາ ນຳຫນ້າຄະນະຜູ້ແທນຂັ້ນສູງລັດຖະບານ ຫວຽດນາມ ເດີນທາງໄປຢ້ຽມຢາມ ໄທ ຢ່າງເປັນທາງການ ແຕ່ວັນທີ 17 ຫາວັນທີ 19 ສິງຫາປີ 2017. ການຢ້ຽມຢາມ ແມ່ນໂອກາດເພື່ອໃຫ້ສອງປະເທດ ຕີລາຄາກ່ຽວກັບບັນດາການເຄື່ອນໄຫວຮ່ວມມືສອງຝ່າຍໃນໄລຍະຜ່ານມາ, ແລກປ່ຽນທິດທາງ ແລະ ເປັນເອກະພາບບັນດາມາດຕະການຊຸກຍູ້ການຮ່ວມມືໃນໄລຍະຈະມາເຖິງ. ເນື່ອງໃນໂອກາດນີ້ ບັນນາທິການ ວິທະຍຸກະຈາຍສຽງຫວຽດນາມ ມີບົດຂຽນ ດ້ວຍຫົວຂໍ້ວ່າ: “ຊຸກຍູ້ການພົວພັນຄູ່ຮ່ວມມືຍຸດທະສາດຫວຽດນາມ ແລະ ໄທ.”