ທະເລຕາເວັນອອກ 2020 - ຈາກໜັງສືການທູດ ຕະຫຼອດຮອດ ຈິດໃຈເຄົາລົບກົດໝາຍ
18/12/2020 07:51
(VOVWORLD) - ປີ 2020 ພວກເຮົາໄດ້ເຫັນປະຈັກຕາຫຼາຍປະເທດຢູ່ແຄມທະເລຕາເວັນອອກ ໄດ້ສະແດງໃຫ້ເຫັນຫຼັກໝັ້ນດ້ານນິຕິກຳຢູ່ທະເລຕາເວັນອອກຢ່າງຈະແຈ້ງກວ່າ, ໂດຍຜ່ານໜັງສືການທູດສະບັບຕ່າງໆທີ່ໄດ້ແລກປ່ຽນຢູ່ ສປຊ. ບໍ່ພຽງແຕ່ແມ່ນປະເທດທີ່ຢູ່ໃນພາກພື້ນເທົ່ານັ້ນ, ຫາກຫຼາຍປະເທດຢູ່ນອກພາກພື້ນກໍສະແດງໃຫ້ເຫັນສິດຖືກຕ້ອງຕາມກົດໝາຍຂອງຕົນເອງ ດ້ວຍຖານະເປັນສະມາຊິກຂອງສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982). ສິ່ງດັ່ງກ່າວນີ້ ໄດ້ຢັ້ງຢືນວ່າ ທະເລຕາເວັນອອກ ບໍ່ພຽງແຕ່ແມ່ນບັນຫາລະຫວ່າງ ອາຊຽນ ກັບ ຈີນ ເທົ່ານັ້ນ ແຕ່ມັນໄດ້ກາຍເປັນຄວາມສົນໃຈລວມຂອງປະຊາຄົມສາກົນອີກດ້ວຍ.
ໃນຕະຫຼອດ 1 ປີ ຜ່ານມາ, ປະຊາຄົມສາກົນໄດ້ເຫັນປະຈັກຕາ “ສົງຄາມໜັງສືການທູດ” ກ່ຽວຂ້ອງເຖິງບັນຫາຢູ່ທະເລຕາເວັນອອກ ໂດຍມີຈຸດເລີ່ມຕົ້ນມາຈາກເລື່ອງ ມາເລເຊຍ ຍື່ນໃບສະເໜີກ່ຽວກັບການເປີດກວ້າງເຂດແດນໄຫຼ່ທະວີບຂອງຕົນ ຢູ່ທະເລຕາເວັນອອກ ໃຫ້ຄະນະກຳມະການເຂດແດນໄຫຼ່ທະວີບໃນເດືອນທັນວາ ປີ 2019. ຫຼັງຈາກນັ້ນ, ຫຼາຍປະເທດກໍໄດ້ຍື່ນໜັງສືການທູດຄັດຄ້ານການອ້າງເຫດຜົນທີ່ຜິດພາດຂອງຈີນ ຢູ່ທະເລຕາເວັນອອກ.
TAG
VOV/VOVworld/ທະເລຕາເວັນອອກ/ໜັງສືການທູດ/UNCLOS 1982/ARF/ADMM+
Related
